Almatyda koronavirýs infektsiiasynyń kúndelikti ósýi 0,3%-ge jetti, dep habarlaidy "Ult aqparat".
Qalalyq ákimdiktiń habarlaýynsha, osy ýaqytqa deiin Almaty qalasynda koronavirýstyq infektsiianyń 20 523 jaǵdaiy tirkelgen. Onyń 12 843-i simptomdy jáne 7680-i simptomsyz.
«Biyl 18 qańtarda KVI – diń 79 jaǵdaiy tirkeldi, onyń ishinde 59 jaǵdai simptomdy, 20 jaǵdai simptomsyz. Almatyda koronavirýs infektsiiasynan aiyqqandar sany 18 484-ke jetti. Jalpy, infektsiianyń kúndelikti ósýi 0,3% quraidy. Virýstyń reprodýktivtik kórsetkishi Almaty qalasy boiynsha 0,991 (respýblika boiynsha-1,1)», - dedi ákimdikten.
Almaty ákimdigi Almaty turǵyndary men qonaqtaryn epidemiiaǵa qarsy talaptardy: áleýmettik qashyqtyqty, betperde rejimin saqtaýdy kúsheitýge, sondai-aq múmkindiginshe jabyq mekemelerge barýdan jáne uzaq ýaqyt bolýdan bas tartýǵa shaqyrdy.
«COVID-19 naýqastarymen jáne jumys orny boiynsha bailanysta bolǵan adamdar úide qalyp, tegin negizde tekserý úshin telefon arqyly emhanaǵa habarlasýy kerek. JRVI belgileri paida bolǵan kezde dárigerdi úige shaqyryp, zeinetkerlerge múmkindiginshe shuǵyl qajettilik týyndamasa úiden shyqpaý qajet», - dedi ákimdikten.
