Almaty qoǵamdyq densaýlyq saqtaý basqarmasy Tsifrlandyrý basqarmasy jáne iMedHub kompaniiasymen birlesip koronavirýs infektsiiasymen aýyrýdy bastapqy kezeńinde anyqtaýǵa múmkindik beretin júieni iske qosty, dep habarlaidy "Ult aqparat".
Pilottyq jobada jasandy intellekt algoritmderi qoldanylady.
Virtýaldy saqtaýshy KT arqyly túsirilgen keskinderdi óńdep, taldap ári olardyń sipattamasyn jazyp , PACS júiesi arqyly bultqa jiberedi.
«IMEDHUB neirondy jelileri jáne meditsina» jobasy ortalyq stantsiiadan alystan (qashyqtan) jedel áreket etý múmkindigi bar sitýatsiialyq ortalyq ashqan. Ol zertteýge túsken ótinishterdi tirkep, olardy qabyldap, jiberýdi avtomatty túrde jasaýǵa jáne diagnoz qoiý men medikamentti terapiia taǵaiyndaýda sheshim qabyldaýǵa múmkindik beredi.
Dáriger men naýqas arnaiy qosymsha arqyly tildese alady. Jasandy intellekt mehanizmin paidalaný arqyly sheshimderdi qoldaý júiesi diagnoz qoiylǵanǵa deiin adam úshin tóngen qaýip deńgeiin anyqtaýǵa múmkindik beredi. Naýqastyń sol kezdegi jaǵdaiyna baǵa berip, aýrýdyń bastapqy kezinen-aq bolýy múmkin asqynýlardy boljaidy. Sonymen birge, joba gospitaldik bloktaǵy árbir patsienttiń jaǵdaiyn aqyldy monitoring jasaityn ortalyqtandyrylǵan tsifrlyq júieni qurýy, naýqastardy boljanǵan aýyrlyq jaǵdaiyna qarai klinikalarǵa bólýi kerek. Árbir naýqastyń emdelýin taldap, naqty statistikasyn júrgizý úshin biryńǵai meditsinalyq platforma qurylady.
Biznes-protsessterdi optimizatsiialaý, sáýlelik diagnostika bólimshesiniń jumys ónimdiligin arttyrý (ortasha alǵanda 70 paiyzǵa) jáne qarjyny únemdeý maqsatynda Ortalyqtandyrylǵan meditsinalyq arhiv júiesin (PACS) endirý josparlanyp otyr. Bul sonymen qatar búgingi kúni shamasy 34 paiyz bolyp otyrǵan «kassadan ótpei qalǵan» jumystardy boldyrmaý arqyly jumystyń ashyqtyǵyn, tazalyǵyn joǵarylatý úshin de qajet.
Árbir meditsinalyq uiym jergilikti PACS júiesimen (MINI-PACS SERVER) jabdyqtalady. Qalalyq uiymdardyń aqparattyq júieleri jergilikti PACS júiesimen (MINI-PACS SERVER) integratsiialanatyn bolady, bul virtýaldy saqtaýshy bultty meditsinalyq muraǵatqa (CloudPACS Server) berýdi qamtamasyz etedi.
Odan bólek, barlyq málimetterdi (keskinder) veb-qaraý quraly usynylǵan. Qajet bolǵan jaǵdaida, kez kelgen óndirýshiniń rentgenologynyń tolyqqandy jumys ornyn qosýǵa bolady. Ortalyqtandyrylǵan meditsinalyq muraǵattyń (PACS) sheteldik sheshimderge qaraǵanda 2,5 ese arzan ekenin atap ótken jón. Ortalyqtandyrylǵan meditsinalyq muraǵat juiesiniń (PACS) kómegimen diagnostikalyq jabdyqtardan dárigerge jáne bir dárigerden ekinshisine sýretterdi berý, derekterdi, keskinderdi elektrondy arhivte saqtaý operatsiialary qoljetimdi bolady. Barlyq meditsinalyq uiymdar derekterge qashyqtan qol jetkize alady.
Qazirgi sátte «IMEDHUB neirondy jelileri jáne meditsina» jobasy №1 qalalyq emhanasy jáne №7 qalalyq klinikalyq aýrýhanalarynyń aqparattyq júielerimen biriktirilgen (integratsiialanǵan), sonymen qatar jaqyn arada 56 emhanany qosý da kózdelgen. Bularmen qatarlasa №29 qalalyq emhana men №18 qalalyq emhanalaryn da biriktirý boiynsha pilotty jobalar júrgizilýde.
Bul joba jeke IT-biznes pen meditsinalyq uiymdar basqarmalary arasyndaǵy ózara árekettesýdiń jaqsy keisi bolyp otyr.
