Almatyda koronavirýs infektsiiasynan qaitys bolǵan 68 jastaǵy er adamnyń basqa da sozylmaly aýrýlary bolǵan. Bul týraly Almaty qalalyq Qoǵamdyq densaýlyq saqtaý basqarmasy málim etti, dep habarlaidy "Ult aqparat".
«Patsient uzaq ýaqyt boiy aýyr sozylmaly aýrýlarmen (virýstyq gepatit, qant diabeti, arteriialyq gipertenziia, jalǵyz búirektiń sozylmaly pielonefriti, sozylmaly búirek jetkiliksizdigi, júrektiń ishemiialyq aýrýy) aýyrǵan 1 toptaǵy múgedek bolǵan. Jedel shuǵyl meditsinalyq kómek aýrýhanasyna naýqas aýyr hálde kelip túsken», – dep habarlady vedomstvadan.
Almaty qalalyq Qoǵamdyq densaýlyq saqtaý basqarmasynyń málimetinshe, naýqas provizorlyq gospitalda tekserýden ótken. PTR test COVID-19 diagnozyn rastaǵan soń infektsiialyq statsionarǵa aýystyrylǵan.
Patsientke infektsiialyq statsionarda COVID-19 diagnostikalaý jáne emdeý hattamasyna sáikes qarqyndy terapiia júrgizildi. Júrgizilgen emge qaramastan, jai-kúii údemeli túrde nasharlap, ókpeni jasandy jeldetý apparatynda boldy.
Qazirgi ýaqytta Almatyda koronavirýstyq infektsiiany juqtyrýdyń rastalǵan 1392 jaǵdaiy tirkeldi.
Statsionarlarynda búgingi kúni 1156 patsient em qabyldap jatyr.
Sondai-aq, Almaty qalasy boiynsha 17 adam koronavirýstyq infektsiiadan saýyǵyp úilerine shyǵaryldy. Olardyń ishinde Ortalyq qalalyq klinikalyq aýrýhananyń 8 meditsina qyzmetkeri, Balalar qalalyq juqpaly aýrýlar aýrýhanasynyń 2 qyzmetkeri jáne 7-ýi virýs juqtyrǵan naýqaspen bailanysta bolǵandar.
