Almatyda koronavirýspen kúresip júrgen dárigerlerge ústemaqy tólene bastady. Bul týraly Almaty qalasy Qoǵamdyq densaýlyq saqtaý basqarmasynyń basshysy Tileýhan Ábildaev brifing barysynda aitty, dep habarlaidy "Ult aqparat".
«500-den astam dáriger, 1 700 astam orta meditsina qyzmetkeri, 549 kishi meditsina qyzmetkeri jáne 764 ózge de densaýlyq saqtaý qyzmetkeri tólemderdi alýda. Jalpy alǵanda, 965 mln teńge kólemindegi ústemaqyny 3 557 meditsina qyzmetkeri alady», - dedi Tileýhan Ábildaev.
Sondai-aq, ol esepteý 3 sanat boiynsha júrgiziletinin atap ótti. Balalar juqpaly aýrýlar aýrýhanasynyń meditsina qyzmetkerleri birinshi sanat boiynsha tólem alatyn boldy.
Buǵan deiin, Almatydaǵy balalar juqpaly aýrýlar aýrýhanasynyń qabyldaý bóliminiń dárigerleri ústemaqyǵa qatysty shaǵymdanǵan bolatyn. Kóp uzamai olardyń shaǵymyna QR Densaýlyq saqtaý ministri Eljan Birtanov jaýap berdi.
