الماتىدا كوروناۆيرۋسپەن كٷرەسٸپ جٷرگەن دەرٸگەرلەرگە ٷستەماقى تٶلەنە باستادى. بۇل تۋرالى الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ بريفينگ بارىسىندا ايتتى, دەپ حابارلايدى "ۇلت اقپارات".
«500-دەن استام دەرٸگەر, 1 700 استام ورتا مەديتسينا قىزمەتكەرٸ, 549 كٸشٸ مەديتسينا قىزمەتكەرٸ جەنە 764 ٶزگە دە دەنساۋلىق ساقتاۋ قىزمەتكەرٸ تٶلەمدەردٸ الۋدا. جالپى العاندا, 965 ملن تەڭگە كٶلەمٸندەگٸ ٷستەماقىنى 3 557 مەديتسينا قىزمەتكەرٸ الادى», - دەدٸ تٸلەۋحان ەبٸلداەۆ.
سونداي-اق, ول ەسەپتەۋ 3 سانات بويىنشا جٷرگٸزٸلەتٸنٸن اتاپ ٶتتٸ. بالالار جۇقپالى اۋرۋلار اۋرۋحاناسىنىڭ مەديتسينا قىزمەتكەرلەرٸ بٸرٸنشٸ سانات بويىنشا تٶلەم الاتىن بولدى.
بۇعان دەيٸن, الماتىداعى بالالار جۇقپالى اۋرۋلار اۋرۋحاناسىنىڭ قابىلداۋ بٶلٸمٸنٸڭ دەرٸگەرلەرٸ ٷستەماقىعا قاتىستى شاعىمدانعان بولاتىن. كٶپ ۇزاماي ولاردىڭ شاعىمىنا قر دەنساۋلىق ساقتاۋ مينيسترٸ ەلجان بٸرتانوۆ جاۋاپ بەردٸ.
