Almatyda koronavirýsqa júrgizilip jatqan testter sany kúnine 2,5-3 myńǵa jetkiziletin bolady. Bul týraly Almaty qalasynyń memlekettik bas sanitarlyq dárigeri Jandarbek Bekshin aitty, dep habarlaidy "Ult aqparat".
Onyń aitýynsha, koronavirýsty anyqtaý boiynsha osy ýaqytqa deiin 46 myń test alynyp, zerthanada taldaý jasaldy.
«Qazirgi ýaqytta kúnine 2 myńdai test júrgizilýde, bul kórsetkishti 2,5-3 myńǵa deiin jetkizýdi kózdep otyrmyz. Synamalardyń nátijesi bir kún ishinde daiyn bolady. Osy aralyqta 11 myńdai meditsina qyzmetkerinen test alyndy. Sonymen qatar, meditsina qyzmetkerleriniń koronavirýsty juqtyryp almaýyna baǵyttalǵan erejeler men talaptar da kúsheitilip otyr», – dedi Jandarbek Bekshin.
Sonymen qatar, ol Almatyda 6 zerthana PTR diagnostikasy boiynsha jumys isteitinin atap ótti.
