QR Densaýlyq saqtaý ministrligi Taýarlar men kórsetiletin qyzmetterdiń sapasyn jáne qaýipsizdigin baqylaý komiteti Almatyda koronavirýsqa test tapsyrý sharttaryn atady, dep habarlaidy "Ult aqparat".
Komitettiń Telegram-kanalynda taratylǵan aqparatqa sáikes, koronavirýstan testti kez kelgen adam tapsyra almaidy.
«Testti tek dárigerdiń baǵyttaýymen ǵana tapsyrýǵa bolady. Kóp adamdar ózderiniń kóńilin ornyna túsirý úshin COVID-19-ǵa test tapsyrǵysy keledi. Resmi túrde taldaýlar Almatydaǵy 3 akkredittelgen zerthanada tapsyrylady. Testileýden ótý úshin salmaqty argýment qajet - adamda qandai da belgiler bolýy tiis. Al dene qyzýy joǵarylap, jótel bastalsa jergilikti emhanadan dáriger shaqyrtý kerek. Ekspress-testiler ózin shynymen de jaisyz sezingen adamdarǵa arnalǵan», - delingen aqparatta.
