Almaty qalalyq taýarlar men qyzmetterdiń sapasy men qaýipsizdigin baqylaý departamenti basshysy Aizat Moldaqasymova onlain brifing barysynda koronavirýs infektsiiasy boiynsha epidemiologiialyq ahýal týraly aqparat taratty, dep habarlaidy QazAqparat.
Onyń aitýynsha, qazir Almatyda infektsiia juqtyrǵan 31 adam bar.
«Qazir Almatyda KVI tabylǵan 15 oshaq anyqtaldy. Bul kórsetkish kún saiyn ózgerip otyrady. Jańadan tirkelgen 2 jaǵdai boiynsha aita keteiik. Onyń biri aýyrǵan qyz balamen jaqyn qatynasta bolǵan. Ekinshisi áiel adam Tsiýrih qalasynan ushyp kelgen. Áýejaidan birden taksimen úiine jetip, jalǵa alǵan páterinde oqshaýlanǵan. Bul oshaq túgel zararsyzdandyryldy. Týystarmen bailanys bolmaǵan. Alǵashqy belgileri shyǵa bastaǵanda emhanaǵa habarlasqan. Test nátijesi virýs bar ekenin kórsetti», - dedi Aizat Moldaqasymova.
Onyń aitýynsha, adamdar koronavirýs juqpasyn jaqyn qatynas kezinde juqtyrýy yqtimal. Máselen adam eger naýqaspen 15 minýt boiy 2 metrden jaqyn qashyqta sóilesetin bolsa juqtyrýy múmkin.
«Joǵaryda aitylǵan turǵyndar jaqyn qatynastaǵy adamdarǵa jatpaidy. Olar tek qaýip joǵary jerde turatyndar sanalady. Olardyń barlyǵy qazir úi karantininde oqshaýlanǵan. Jaǵdaiyn meditsina mamandary telefon arqyly baqylaýda ustap otyr», - dedi departament basshysy.
Munyń aldynda Almatyda 15 aýrý oshaǵy anyqtalǵanyn habarlaǵan bolatynbyz.
Atapaitqanda, Alataý aýdanynda - 2 oshaq: «Zaria Vostoka» shaǵyn aidany, Sary-oi kóshesi, 234; «Akkent» shaǵyn aýdany, 7. Almaly aýdanynda - 4 oshaq: Jeltoqsan, 125; Baitursynov, 78/1; Jarokov, 16; Jarokov, 7. Medeý aýdanynda - 3 oshaq: Zenkov, 59; Dostyq, 162; Gogol, 75. Jetisý aýdanynda - 2 oshaq: Eńlikgúl, 34a; Volochaevskaia, 51. Túrksib aýdanynda - 4 oshaq: «Altai-1» shaǵyn aýdany, 8; «Jas Qanat» shaǵynaýdany, 86, Mailin kóshesi, 77; Spasskaia kóshesi, 63 mekenjailarynan aýrý tabyldy.
Sondai-aq, qala ákimi Baqytjan Saǵyntaev QR Prezidentiniń Tótenshe jaǵdai jónindegi memlekettik komissiia jiynynda bergen tapsyrmalaryn júzege asyrý jóninde jol kartasy jasalatynyn aitty.
Atap aitqanda, Eńbek jáne halyqty áleýmettik qorǵaý ministrligi tótenshe jaǵdai kezinde eńbekaqydan aiyrylǵan adamdarǵa 1 AÁK (42 500 teńge) kóleminde ailyq tólem júrgizý máselesi pysyqtalmaq. Kópbalaly otbasylarǵa, múgedekter men halyqtyń áleýmettik osal toptaryna tegin azyq-túlik pen turmystyq jiyntyq taratylmaq.
Búgin Qazaqstanda koronavirýs juqtyrǵandardyń sany 79-ǵa jetti.
