Almatyda búgin ótken onlain brifingte qalalyq qoǵamdyq densaýlyq saqtaý basqarmasynyń basshysy Tileýhan Ábildaev qaladaǵy epidemiologiialyq ahýal týraly aitty, dep habarlaidy "Ult aqparat".
Onyń aitýynsha, qazirgi ýaqytta Almatyda KVI juqtyrýdyń taǵy bir jaǵdaiy tirkeldi. Bul – bailanysta bolǵandar qataryndaǵy 1967 jyly týǵan áiel. Jaǵdaiy pnevmoniia esebinen aýyrlyqtyń ortasha dárejesi retinde baǵalanýda.
Búginde Almatyda koronavirýs infektsiiasyn juqtyrýdyń rastalǵan 122 faktisi tirkelgen.
«Qazir juqpaly aýrýlar statsionarlarynda Covid-19-dan - 96 patsient, onyń ishinde 4 bala bar. 72 naýqastyń jai-kúii qanaǵattanarlyq. Bir adamnyń jaǵdaiy óte aýyr, 4 eresek adamnyń jaǵdaiy aýyr, 19 eresek adamnyń jai-kúii orta aýyr deńgeide»,– dedi basqarma basshysy T.Ábildaev.
Jalpy Almatyda 26 adam koronavirýstan saýyǵyp, úiine shyǵarylǵan.
Provizorlyq ortalyqtarda 250 adam jatyr, onyń ishinde 29 bala bar. 384 azamat - karantindik oqshaýlaýda, 5 306 adam - úi jaǵdaiyndaǵy karantinde.
