الماتىدا بٷگٸن ٶتكەن ونلاين بريفينگتە قالالىق قوعامدىق دەنساۋلىق ساقتاۋ باسقارماسىنىڭ باسشىسى تٸلەۋحان ەبٸلداەۆ قالاداعى ەپيدەميولوگييالىق احۋال تۋرالى ايتتى, دەپ حابارلايدى "ۇلت اقپارات".
ونىڭ ايتۋىنشا, قازٸرگٸ ۋاقىتتا الماتىدا كۆي جۇقتىرۋدىڭ تاعى بٸر جاعدايى تٸركەلدٸ. بۇل – بايلانىستا بولعاندار قاتارىنداعى 1967 جىلى تۋعان ەيەل. جاعدايى پنەۆمونييا ەسەبٸنەن اۋىرلىقتىڭ ورتاشا دەرەجەسٸ رەتٸندە باعالانۋدا.
بٷگٸندە الماتىدا كوروناۆيرۋس ينفەكتسيياسىن جۇقتىرۋدىڭ راستالعان 122 فاكتٸسٸ تٸركەلگەن.
«قازٸر جۇقپالى اۋرۋلار ستاتسيونارلارىندا Covid-19-دان - 96 پاتسيەنت, ونىڭ ٸشٸندە 4 بالا بار. 72 ناۋقاستىڭ جاي-كٷيٸ قاناعاتتانارلىق. بٸر ادامنىڭ جاعدايى ٶتە اۋىر, 4 ەرەسەك ادامنىڭ جاعدايى اۋىر, 19 ەرەسەك ادامنىڭ جاي-كٷيٸ ورتا اۋىر دەڭگەيدە»,– دەدٸ باسقارما باسشىسى ت.ەبٸلداەۆ.
جالپى الماتىدا 26 ادام كوروناۆيرۋستان ساۋىعىپ, ٷيٸنە شىعارىلعان.
پروۆيزورلىق ورتالىقتاردا 250 ادام جاتىر, ونىڭ ٸشٸندە 29 بالا بار. 384 ازامات - كارانتيندٸك وقشاۋلاۋدا, 5 306 ادام - ٷي جاعدايىنداعى كارانتيندە.
