Almatyda virýs juqtyrǵandar 2500 adamǵa jýyqtady. Koronavirýspen kúres jónindegi jedel shtab málimetinshe, ótken táýlikte munda taǵy 37 jańa naýqas anyqtalǵan. Onyń 15-ine koronavirýs burynǵy naýqastardan juqqan. Profilaktikalyq tekserý kezinde - 11 adam, kásiporyn jumysshylaryn tekserý kezinde - 7 adam, aýrýhanaǵa túsken kezde 4 adamǵa virýs juqqany anyqtalǵan. Almatyda barlyǵy 2499 adamnan koronavirýs tabylǵan. 1451 jazylǵan. 10 adam qaitys bolǵan. Qazaqstandaǵy eń iri qala koronavirýs juqtyrǵandar men odan qaitys bolǵandar sany jaǵynan da respýblikada alda tur.
Almaty oblysynda juma kúni 23 jańa naýqas anyqtaldy. Taldyqorǵanda - 10, Qapshaǵai qalasynda - 8, Qarasai, Panfilov, Alakól aýdandarynyń árqaisysynda bir-bir adamnan koronavirýs tabylǵan. Tekeli qalasynda virýs juqqan 2 adam anyqtalǵan. 14-i buryn aýyrǵandarmen bailanysta bolǵan. 9 profilaktikalyq maqsatta tekserýden ótip, diagnozy rastalǵan. Almaty oblysynda barlyǵy 349 naýqas bar.
Ótken táýlikte Shymkentte 51 adamnan koronavirýs tabyldy. 29 adam - koronavirýspen aýyrǵandarmen jaqyn aralasqan. Buǵan deiin jedel respiratorlyq virýstyq infektsiia belgileri boiynsha aýrýhaǵa túsken 3 adamnan virýs tabylǵan. 8 naýqasta aýrýhanaǵa túsken kezde virýs bary anyqtalǵan, skriningten ótken 8 adamnan koronavirýs infektsiiasy tabylǵan. Taǵy úsheýi aqyly túrde tekserýden ótip, olarǵa COVID-19 diagnozy qoiylǵan. Bári infektsiialyq aýrýhanaǵa jatqyzylǵan. Halyq sany jaǵynan respýblika boiynsha úshinshi orynda turǵan Shymkentte barlyǵy 813 adamnan koronavirýs tabylǵan. Koronavirýs juqtyrǵandar sany jaǵynan respýblikada Almaty, Nur-Sultan, Atyraý oblysy, Qaraǵandy oblysynan keiin besinshi orynda tur.
Qaraǵandy oblysynda juma kúni 41 adamnan koronavirýs tabylǵan. Qaraǵandy qalasynda - 25, Temirtaýda - 12, Shahtinsk qalasynda - 2, Buqar jyraý aýdanynda - 2 adamnan virýs anyqtalǵan. Oblysta barlyǵy 829 adamnan koronavirýs tabylǵan. 3 adam qaitys bolǵan. 221 patsient jazylǵan.
Qostanai oblysynda 29 adamnan koronavirýs tabylǵan. Jitiqara qalasynda turatyn bir otbasynyń 8 múshesinen koronavirýs infektsiiasy anyqtalǵan. Olar buryn aýyrǵan patsientpen jaqyn aralasqan. 5 adam naýqastarmen aralasqan adam retinde tekserilgen kezde diagnozdary rastalǵan. Úsh adam profilaktikalyq tekserýden ótip, COVID-19 aýrýyna shaldyqqany anyqtalǵan. Buǵan qosa, taǵy Jitiqara jáne Denisov aýdanynyń 13 turǵynynan koronavirýs tabylǵan. Oblysta barlyǵy 165 naýqas bar.
Juma kúni Túrkistan oblysynda 10 adamnan koronavirýs tabylǵan. Skriningtik tekserý kezinde Túlkibas aýdanynda - 1, Sairam aýdanynda - 3, Tóle bi aýdanynda - 1, Arys qalasynda - 2, Túrkistan qalasynda 1 adamnan koronavirýs infektsiiasy anyqtalǵan. Buǵan qosa, oblystyń taǵy bir turǵyny jáne astananyń 1975 jylǵy azamatynan virýs tabylǵan.
Jambyl oblysynda Tarazdyń úsh turǵynyna COVID-19 diagnozy qoiylǵan. Olardyń bireýiniń jasy - 12-de, bireýiniki - 9-da. Olar jedel respiratorlyq virýstyq infektsiia belgilerimen aýrýhanaǵa túsken. Naýqastarmen bailanysta bolǵan taǵy bir Taraz turǵynynan koronavirýs anyqtalǵan. Bir adam jedel respiratorlyq virýstyq infektsiia belgileri baiqalǵandyqtan aýrýhanaǵa baryp, tekserý kezinde diagnozy rastalǵan. Juma kúni munda koronavirýs juqtyrǵandar sany 5 adamǵa kóbeiip, barlyǵy 370 adamǵa jetti.
Naýqastar sany júzge jetpegen respýblikadaǵy jalǵyz oblys - Soltústik Qazaqstan oblysynda ótken táýlikte 3 adamnan koronavirýs tabyldy. Onyń ekeýi Reseiden kelgen. Jergilikti sanitarlyq-karantindik pýnktten ótken kezde virýs bary anyqtalǵan. Úshinshi naýqas - Petropavl turǵyny. Oblysta barlyǵy 54 adamnan koronavirýs tabylǵan.
