الماتىدا ۆيرۋس جۇقتىرعاندار 2500 ادامعا جۋىقتادى. كوروناۆيرۋسپەن كٷرەس جٶنٸندەگٸ جەدەل شتاب مەلٸمەتٸنشە, ٶتكەن تەۋلٸكتە مۇندا تاعى 37 جاڭا ناۋقاس انىقتالعان. ونىڭ 15-ٸنە كوروناۆيرۋس بۇرىنعى ناۋقاستاردان جۇققان. پروفيلاكتيكالىق تەكسەرۋ كەزٸندە - 11 ادام, كەسٸپورىن جۇمىسشىلارىن تەكسەرۋ كەزٸندە - 7 ادام, اۋرۋحاناعا تٷسكەن كەزدە 4 ادامعا ۆيرۋس جۇققانى انىقتالعان. الماتىدا بارلىعى 2499 ادامنان كوروناۆيرۋس تابىلعان. 1451 جازىلعان. 10 ادام قايتىس بولعان. قازاقستانداعى ەڭ ٸرٸ قالا كوروناۆيرۋس جۇقتىرعاندار مەن ودان قايتىس بولعاندار سانى جاعىنان دا رەسپۋبليكادا الدا تۇر.
الماتى وبلىسىندا جۇما كٷنٸ 23 جاڭا ناۋقاس انىقتالدى. تالدىقورعاندا - 10, قاپشاعاي قالاسىندا - 8, قاراساي, پانفيلوۆ, الاكٶل اۋداندارىنىڭ ەرقايسىسىندا بٸر-بٸر ادامنان كوروناۆيرۋس تابىلعان. تەكەلٸ قالاسىندا ۆيرۋس جۇققان 2 ادام انىقتالعان. 14-ٸ بۇرىن اۋىرعاندارمەن بايلانىستا بولعان. 9 پروفيلاكتيكالىق ماقساتتا تەكسەرۋدەن ٶتٸپ, دياگنوزى راستالعان. الماتى وبلىسىندا بارلىعى 349 ناۋقاس بار.
ٶتكەن تەۋلٸكتە شىمكەنتتە 51 ادامنان كوروناۆيرۋس تابىلدى. 29 ادام - كوروناۆيرۋسپەن اۋىرعاندارمەن جاقىن ارالاسقان. بۇعان دەيٸن جەدەل رەسپيراتورلىق ۆيرۋستىق ينفەكتسييا بەلگٸلەرٸ بويىنشا اۋرۋحاعا تٷسكەن 3 ادامنان ۆيرۋس تابىلعان. 8 ناۋقاستا اۋرۋحاناعا تٷسكەن كەزدە ۆيرۋس بارى انىقتالعان, سكرينينگتەن ٶتكەن 8 ادامنان كوروناۆيرۋس ينفەكتسيياسى تابىلعان. تاعى ٷشەۋٸ اقىلى تٷردە تەكسەرۋدەن ٶتٸپ, ولارعا COVID-19 دياگنوزى قويىلعان. بەرٸ ينفەكتسييالىق اۋرۋحاناعا جاتقىزىلعان. حالىق سانى جاعىنان رەسپۋبليكا بويىنشا ٷشٸنشٸ ورىندا تۇرعان شىمكەنتتە بارلىعى 813 ادامنان كوروناۆيرۋس تابىلعان. كوروناۆيرۋس جۇقتىرعاندار سانى جاعىنان رەسپۋبليكادا الماتى, نۇر-سۇلتان, اتىراۋ وبلىسى, قاراعاندى وبلىسىنان كەيٸن بەسٸنشٸ ورىندا تۇر.
قاراعاندى وبلىسىندا جۇما كٷنٸ 41 ادامنان كوروناۆيرۋس تابىلعان. قاراعاندى قالاسىندا - 25, تەمٸرتاۋدا - 12, شاحتينسك قالاسىندا - 2, بۇقار جىراۋ اۋدانىندا - 2 ادامنان ۆيرۋس انىقتالعان. وبلىستا بارلىعى 829 ادامنان كوروناۆيرۋس تابىلعان. 3 ادام قايتىس بولعان. 221 پاتسيەنت جازىلعان.
قوستاناي وبلىسىندا 29 ادامنان كوروناۆيرۋس تابىلعان. جٸتٸقارا قالاسىندا تۇراتىن بٸر وتباسىنىڭ 8 مٷشەسٸنەن كوروناۆيرۋس ينفەكتسيياسى انىقتالعان. ولار بۇرىن اۋىرعان پاتسيەنتپەن جاقىن ارالاسقان. 5 ادام ناۋقاستارمەن ارالاسقان ادام رەتٸندە تەكسەرٸلگەن كەزدە دياگنوزدارى راستالعان. ٷش ادام پروفيلاكتيكالىق تەكسەرۋدەن ٶتٸپ, COVID-19 اۋرۋىنا شالدىققانى انىقتالعان. بۇعان قوسا, تاعى جٸتٸقارا جەنە دەنيسوۆ اۋدانىنىڭ 13 تۇرعىنىنان كوروناۆيرۋس تابىلعان. وبلىستا بارلىعى 165 ناۋقاس بار.
جۇما كٷنٸ تٷركٸستان وبلىسىندا 10 ادامنان كوروناۆيرۋس تابىلعان. سكرينينگتٸك تەكسەرۋ كەزٸندە تٷلكٸباس اۋدانىندا - 1, سايرام اۋدانىندا - 3, تٶلە بي اۋدانىندا - 1, ارىس قالاسىندا - 2, تٷركٸستان قالاسىندا 1 ادامنان كوروناۆيرۋس ينفەكتسيياسى انىقتالعان. بۇعان قوسا, وبلىستىڭ تاعى بٸر تۇرعىنى جەنە استانانىڭ 1975 جىلعى ازاماتىنان ۆيرۋس تابىلعان.
جامبىل وبلىسىندا تارازدىڭ ٷش تۇرعىنىنا COVID-19 دياگنوزى قويىلعان. ولاردىڭ بٸرەۋٸنٸڭ جاسى - 12-دە, بٸرەۋٸنٸكٸ - 9-دا. ولار جەدەل رەسپيراتورلىق ۆيرۋستىق ينفەكتسييا بەلگٸلەرٸمەن اۋرۋحاناعا تٷسكەن. ناۋقاستارمەن بايلانىستا بولعان تاعى بٸر تاراز تۇرعىنىنان كوروناۆيرۋس انىقتالعان. بٸر ادام جەدەل رەسپيراتورلىق ۆيرۋستىق ينفەكتسييا بەلگٸلەرٸ بايقالعاندىقتان اۋرۋحاناعا بارىپ, تەكسەرۋ كەزٸندە دياگنوزى راستالعان. جۇما كٷنٸ مۇندا كوروناۆيرۋس جۇقتىرعاندار سانى 5 ادامعا كٶبەيٸپ, بارلىعى 370 ادامعا جەتتٸ.
ناۋقاستار سانى جٷزگە جەتپەگەن رەسپۋبليكاداعى جالعىز وبلىس - سولتٷستٸك قازاقستان وبلىسىندا ٶتكەن تەۋلٸكتە 3 ادامنان كوروناۆيرۋس تابىلدى. ونىڭ ەكەۋٸ رەسەيدەن كەلگەن. جەرگٸلٸكتٸ سانيتارلىق-كارانتيندٸك پۋنكتتەن ٶتكەن كەزدە ۆيرۋس بارى انىقتالعان. ٷشٸنشٸ ناۋقاس - پەتروپاۆل تۇرعىنى. وبلىستا بارلىعى 54 ادامنان كوروناۆيرۋس تابىلعان.
