Almaty qalasynyń memlekettik bas sanitarlyq dárigeri Jandarbek Bekshin onlain brifing barysynda koronavirýs juqtyrǵandardyń sany 1028-ge jetkendigin málim etti, dep habarlaidy "Ult aqparat".
«Aýrý kóbinese eresekter arasynda tirkelip jatyr. Barlyq kontingent boiynsha aitsaq, 14 jasqa deiingi balalar arasynda 37 jaǵdai bolǵan (3,7%) 15-19 jastaǵy balalar arasynda 54 jaǵdai tirkeldi. Bul barlyq aýrýlar sanynyń 5,4 %-y bolyp otyr. Eń kóp tirkelgen 20-29 jastaǵy eresekterdiń sany -340 (34,4 %). 30-39 jastaǵy eresekter arasynda 184 jaǵdai tirkeldi (18,6 %). 40-49 jastaǵylar arasynda 164 adam, 60-tan asqan úlken kisilerden 70 adam aýyrǵan», - dedi Jandarbek Bekshin.
Almatyda 8 adam qaitys bolǵan.
Bas sanitarlyq dárigerdiń aitýynsha, qalada 366 infektsiia oshaǵy bar. Onyń ishinde belsendi bolyp turǵan 151-inde 14 kún boiy dezifektsiia kúnde jasalsa, basqa oshaqtarda tek podezderdi, al jekemenshik úilerdi apta saiyn 2 ret zararsyzdandyrady.
Barlyq oshaqtar boiynsha bailanysta bolǵan 14 541 tulǵa anyqtaldy. Onyń ishinde jaqyn qatynasta bolǵan 1468 adam provizorlyq klinikada jatsa, úi karantininde 9160 adam jatyr. 2655 adam úi karanatininen shyqty.
