Almaty qalalyq qoǵamdyq densaýlyqty saqtaý basqarmasynyń basshysy Tileýhan Ábildaev virýs juqtyrǵan 3 adam týraly onlain brifing barysynda aityp berdi, dep habarlaidy "Ult aqparat".
«Almatyda taǵy 3 adam koronavirýs juqtyrǵany anyqtaldy. Qazir juqpaly aýrýlar aýrýhanasynda KVI rastalǵan 22 patsient bar. Búgin jatqyzylǵan 3 adamnyń biri – áiel adam shetelden kelgen azamattarmen bailanysta bolǵan. Qurǵaq jótel, tamaq qyryldaýy, keýde aýyryp, qulaqtyń bitelýi siiaqty simptomdar bolǵan soń odan 18 naýryzda test alynǵan bolatyn. Búgin test nátijesi rastaldy. Ekinshi patsient - Berlin-Almaty charterlik reisiniń bortserigi. 12 naýryzdan ushyp kelgen kúnnen bastap juqpaly aýrýlar aýrýhanasynda karantinde boldy. Úshinshi patsient - 1997 jyly týǵan er adam 19 naýryzda Parij-Minsk-Almaty reisimen ushyp kelgen. Qazir test kórsetkishi rastalǵan soń ol provizorlyq klinikadan qalalyq juqpaly aýrýlar aýrýhanasyna aýystyryldy», - dedi T.Ábildaev.
Onyń aitýynsha, qazir 20 naýqastyń jaǵdaiy oidaǵydai.
«Olardyń barlyǵynyń densaýlyǵy jaqsara bastaǵan. Dene qyzýy tústi. 2 adamnyń jaǵdaiy ortasha aýyr dep baǵalanyp otyr», - dedi ol.
Búginde qalanyń provizorlyq emhanalarynda 696 adam jatyr. Úi karantininde 1108 adam oqshaýlanǵan.
