الماتى قالالىق قوعامدىق دەنساۋلىقتى ساقتاۋ باسقارماسىنىڭ باسشىسى تٸلەۋحان ەبٸلداەۆ ۆيرۋس جۇقتىرعان 3 ادام تۋرالى ونلاين بريفينگ بارىسىندا ايتىپ بەردٸ, دەپ حابارلايدى "ۇلت اقپارات".
«الماتىدا تاعى 3 ادام كوروناۆيرۋس جۇقتىرعانى انىقتالدى. قازٸر جۇقپالى اۋرۋلار اۋرۋحاناسىندا كۆي راستالعان 22 پاتسيەنت بار. بٷگٸن جاتقىزىلعان 3 ادامنىڭ بٸرٸ – ەيەل ادام شەتەلدەن كەلگەن ازاماتتارمەن بايلانىستا بولعان. قۇرعاق جٶتەل, تاماق قىرىلداۋى, كەۋدە اۋىرىپ, قۇلاقتىڭ بٸتەلۋٸ سيياقتى سيمپتومدار بولعان سوڭ ودان 18 ناۋرىزدا تەست الىنعان بولاتىن. بٷگٸن تەست نەتيجەسٸ راستالدى. ەكٸنشٸ پاتسيەنت - بەرلين-الماتى چارتەرلٸك رەيسٸنٸڭ بورتسەرٸگٸ. 12 ناۋرىزدان ۇشىپ كەلگەن كٷننەن باستاپ جۇقپالى اۋرۋلار اۋرۋحاناسىندا كارانتيندە بولدى. ٷشٸنشٸ پاتسيەنت - 1997 جىلى تۋعان ەر ادام 19 ناۋرىزدا پاريج-مينسك-الماتى رەيسٸمەن ۇشىپ كەلگەن. قازٸر تەست كٶرسەتكٸشٸ راستالعان سوڭ ول پروۆيزورلىق كلينيكادان قالالىق جۇقپالى اۋرۋلار اۋرۋحاناسىنا اۋىستىرىلدى», - دەدٸ ت.ەبٸلداەۆ.
ونىڭ ايتۋىنشا, قازٸر 20 ناۋقاستىڭ جاعدايى ويداعىداي.
«ولاردىڭ بارلىعىنىڭ دەنساۋلىعى جاقسارا باستاعان. دەنە قىزۋى تٷستٸ. 2 ادامنىڭ جاعدايى ورتاشا اۋىر دەپ باعالانىپ وتىر», - دەدٸ ول.
بٷگٸندە قالانىڭ پروۆيزورلىق ەمحانالارىندا 696 ادام جاتىر. ٷي كارانتينٸندە 1108 ادام وقشاۋلانعان.
