Almatyda koronavirýs juqtyrǵan 71 bala em qabyldap jatyr. Bul týraly onlain brifing barysynda balalar qalalyq klinikalyq juqpaly aýrýlar aýrýhanasy bas dárigeriniń orynbasary Ainur Ýálieva aitty, dep habarlaidy QazAqparat.
«Qazir qaladaǵy aýrýhanalarda indet juqtyrǵan 71 bala jatyr. Onyń ishinde 1 jasqa deiingi - 20 (28%), 1-4 jastaǵy - 17 (23%) , 5-14 jastaǵy -24 (33%), 15-18 jastaǵy - 10-14%). Biz balalar klinikalyq juqpaly aýrýlar aýrýhanasyna epidkórsetkishter boiynsha (eger otbasynyń barlyq músheleri aýyrsa) jáne klinikalyq kórinister bolǵan jaǵdaida jatqyzamyz. Aýrýhanaǵa jatqyzylǵan balalardyń sany jalpy sannan 30% - 35%-dan aspaidy», - deidi dáriger.
Onyń aitýynsha, balalar arasynda koronavirýs infektsiianyń ósýi Naýryz merekelerinen keiin jáne sáýirde baiqalady. Naýryzdyń 2 aptasynda - 72 bala, sáýirde - 176 bala emdeldi.
1-10 sáýir aralyǵynda 139 bala emdelip shyqty; 11-19 sáýir aralyǵynda 107 bala – shyǵaryldy.
«Epidemiologiialyq anamnezdi jinaý kezinde (olardyń ata-analarynyń aitýy boiynsha) úi jaǵdaiynda belgilenedi. Iaǵni balalardyń infektsiiasy bir otbasynyń eresekterimen tyǵyz bailanysta bolady. Biz balalar jappai aýyra bastady, koronavirýs infektsiia balalar arasynda epidemiologiialyq sipatqa ie boldy dep aita almaimyz. Balalar arasynda aýrýshańdyqtyń ósýi eresekter arasynda da aýrýshańdyqtyń ósýimen tikelei bailanysty», - deidi spiker.
Sonymen qatar, ol búgingi kúni aýrýhanada jaǵdaiy aýyr balalar joq ekenin atap ótti. Kóp jaǵdaida aýrý asimptomatikalyq. SARS – koronavirýs infektsiianyń klinikalyq aǵymy men nátijeleri balalarda anaǵurlym qolaily.
«Bizdiń statsionarǵa klinikalyq belgileri bar naýqas balalar jeńil jáne keibir jaǵdailarda ortasha aýyr formada 10% -dan aspaidy. Munyń sebebi birdei bolyp qalady, berilýdiń negizgi joly - aýa tamshylary», - dedi Ainur Ýálieva.
