Almatyda koronavirýs tabylǵan 33 jolaýshy áýe reisinen alyndy. Bul týraly onlain brifing barysynda qalalyq bas sanitar dáriger Jandarbek Bekshin aitty, dep habarlaidy "Ult aqparat".
«8 qazannan beri áýe bortynan 33 adam túsirildi. Osynyń arqasynda aýrýdyń taralý yqtimaldyǵy seiildi. Olardyń barlyǵy oqshaýlanǵan. Sondai-aq 5000 adam anyqtamasyz ushqan. Olar tekserýden ótip, test qorytyndysy teris nátije kórsetken soń ǵana jiberildi», - dedi J.Bekshin.
Onyń aitýynsha, kóbine kýrorttyq aimaqtarda demalyp kelgender virýs ákelip jatyr.
«Basqa elge barýdan bas tarta turýdy ótinemin. Úide otyryńyzdar. Bizde qazir shetelge qaraǵanda aýrý kórsetkishi tómen bolyp tur», - dedi J.Bekshin.
