Almatyda Qoǵamdyq keńestiń otyrysy ótti. Jiyn barysynda arnaiy shtab basshysy, qala ákiminiń orynbasary Erjan Babaqumarov koronavirýs juqpasy boiynsha epidahýaldy sipattady, dep habarlaidy QazAqparat.
Otyrys barysynda juqpaly aýrýdyń taralýynyń aldyn alý boiynsha qandai sharalar atqarylyp jatqany aityldy.
«Almatyǵa kiretin joldardyń barlyǵy jabyq. Baqylaýda tur. Úlken álemge shyǵatyn tereze – áýejai. Áýejaida filtratsiia júiesi ornatylǵan. 1-sanattaǵy elderden kelgen jolaýshylar úshin bólek terminal jasaqtalǵan», - dedi Erjan Babaqumarov.
Onyń aitýynsha, qazir 1-sanattaǵy elderden kelgen tulǵalar baqylaýǵa alynǵan.
1 aqpannan bastap Almatyǵa 12,5 myń adam ótken. Onyń barlyǵy baqylaýda.
«Kelgen sheteldikterdiń densaýlyǵyn 99,9% baqylaýda ustap otyrmyz. 12,5 myń adamnyń 4 myńy – shetel azamattary, onyń 350-i - qytailyqtar. Munyń aldynda áýejai arqyly táýligine 50 reis ótetin bolsa, qazir onyń sany 30-50 aralyǵynda. Kúnde áýejai arqyly 2,5-3 myń adam ótedi. Iaǵni, kóshi-qon statistikasy azaiǵan saiyn aýrýdyń juǵý múmkindigi de azaia túsedi», - dedi ákimniń orynbasary.
