الماتىدا قوعامدىق كەڭەستٸڭ وتىرىسى ٶتتٸ. جيىن بارىسىندا ارنايى شتاب باسشىسى, قالا ەكٸمٸنٸڭ ورىنباسارى ەرجان باباقۇماروۆ كوروناۆيرۋس جۇقپاسى بويىنشا ەپيداحۋالدى سيپاتتادى, دەپ حابارلايدى قازاقپارات.
وتىرىس بارىسىندا جۇقپالى اۋرۋدىڭ تارالۋىنىڭ الدىن الۋ بويىنشا قانداي شارالار اتقارىلىپ جاتقانى ايتىلدى.
«الماتىعا كٸرەتٸن جولداردىڭ بارلىعى جابىق. باقىلاۋدا تۇر. ٷلكەن ەلەمگە شىعاتىن تەرەزە – ەۋەجاي. ەۋەجايدا فيلتراتسييا جٷيەسٸ ورناتىلعان. 1-ساناتتاعى ەلدەردەن كەلگەن جولاۋشىلار ٷشٸن بٶلەك تەرمينال جاساقتالعان», - دەدٸ ەرجان باباقۇماروۆ.
ونىڭ ايتۋىنشا, قازٸر 1-ساناتتاعى ەلدەردەن كەلگەن تۇلعالار باقىلاۋعا الىنعان.
1 اقپاننان باستاپ الماتىعا 12,5 مىڭ ادام ٶتكەن. ونىڭ بارلىعى باقىلاۋدا.
«كەلگەن شەتەلدٸكتەردٸڭ دەنساۋلىعىن 99,9% باقىلاۋدا ۇستاپ وتىرمىز. 12,5 مىڭ ادامنىڭ 4 مىڭى – شەتەل ازاماتتارى, ونىڭ 350-ٸ - قىتايلىقتار. مۇنىڭ الدىندا ەۋەجاي ارقىلى تەۋلٸگٸنە 50 رەيس ٶتەتٸن بولسا, قازٸر ونىڭ سانى 30-50 ارالىعىندا. كٷندە ەۋەجاي ارقىلى 2,5-3 مىڭ ادام ٶتەدٸ. ياعني, كٶشٸ-قون ستاتيستيكاسى ازايعان سايىن اۋرۋدىڭ جۇعۋ مٷمكٸندٸگٸ دە ازايا تٷسەدٸ», - دەدٸ ەكٸمنٸڭ ورىنباسارى.
