Almatyda kópqabatty úide páter órtenip, qart áiel japa shekti, dep habarlaidy "Ult aqparat".
Qalalyq tótenshe jaǵdailar departamenti habarlaǵandai, órt tańǵy 04.09-da tutanǵan.
«Órt sóndirýshiler dereý Áýezov aýdanyndaǵy 1-shaǵynaýdan, №43 mekenjaiyna jetti. Olar kelgende úshinshi qabattaǵy páter órtenip jatqan. Tilsiz jaý balkon arqyly 4-qabatqa, shatyrǵa órlep bara jatty. Qaýipsiz jerge turǵyn úidiń 10 turǵyny, onyń ishinde 3 bala shyǵarylyp úlgerdi. Órt sóndirýshilerdiń áreketiniń arqasynda tilsiz jaý 34 minýtta aýyzdyqtaldy» dedi TJD baspasóz qyzmetinen.
Órtti sóndirýge 10 tehnika men 30 qyzmetker jumyldyryldy.
Tótenshe jaǵdaidan 80 jastaǵy qart áiel japa shekken. Jedel járdem №7 aýrýhanaǵa jetkizildi.
Kórshilerdiń aitýynsha, áiel jalǵyzilikti bolǵan, arasynda kútýshisi ǵana kelip júrgen.
