«Altyn bulaq-2» turǵyn úi kesheniniń turǵyndaryn qutqarýǵa 35 politsiia qyzmetkeri qatysty, dep habarlaidy QazAqparat.

Almaty qalalyq politsiia departamentiniń habarlaýynsha, Brýsilovskii kóshesinde ornalasqan «Altyn bulaq-2» turǵyn úi kesheniniń 18 qabatty úiinen qoiý tútin shyqqany týraly habar túngi saǵat on ekiler shamasynda túsken. 

JBO jedel kezekshisi órt ornyna dereý patrýldik politsiianyń 13 ekipajyn jóneltti. 

Sondai-aq, órt ornyna irgeles jatqan kórshi aýdandardan da adamdar tartyldy. 

«Altyn bulaq-2» turǵyn úi kesheniniń turǵyndaryn qutqarýǵa jáne órttiń saldaryn joiýǵa 35 politsiia qyzmetkeri qatysty.

Eń aldymen osy úidiń 177 turǵyny evakýatsiialandy. 

27 adam qutqaryldy, onyń altaýy - balalar. 

«Jedel járdem» brigadalary tútinnen ýlanǵan 2020 jáne 2021 jyly týǵan úsh sábidi shuǵyl túrde №1 qalalyq klinikalyq balalar aýrýhanasyna jetkizdi.

Saǵat 01:45-te órt sóndirildi. Onyń sebebin saraptama anyqtaidy.