Almatyda júk kóligi kópir astyna tirelip qalyp, saldarynan birneshe shaqyrymǵa sozylǵan kólik keptelisi paida boldy, - dep habarlaidy Tengrinews.kz agenttigi.
Oqiǵa 16 qarashada tús aýa Rysqulov dańǵylynyń boiynda bolǵan. Kýágerlerdiń aitýynsha, saǵat 13:40 shamasynda batysqa qarai kele jatqan júk kóliginiń júrgizýshisi Brodskii kóshesinen ótip, jaiaý júrginshiler kópiri astyna tirelip qalǵan.
Politsiia málimetinshe, júk kóligi jaiaý júrginshiler ótkeline zaqym keltirgen.
"Júrgizýshi tirkemesi bar Volvo avtokóligin júrgizip kele jatyp, kedergilerge, atap aitqanda, jaiaý júrginshiler ótkeliniń qurylymyna soǵylǵan. Nátijesinde bul qurylym mehanikalyq zaqymdanǵan", - dedi Almaty qalasy PD tergeý basqarmasynyń bastyǵy, politsiia podpolkovnigi Oljas Sháripov.
Onyń aitýynsha, is materialdary Jetisý aýdandyq politsiia bólimine óndiriske qabyldanǵan. Oqiǵanyń mán-jaiyn departament qyzmetkerleri anyqtap jatyr.
