Almatyda qoǵamdyq kólikte jeńildikpen júretin jolaýshylar sanaty keńeidi. Bul bastama Almaty qalasynyń ákimdigi VII shaqyrylymdaǵy máslihattyń kezekten tys II sessiiasynda usynyldy, dep habarlaidy "Ult aqparat".
Depýtattar onyń oń sheshim ekenin atap ótip, biraýyzdan qoldady.
Buǵan deiin bul jeńildikti 9 sanatqa jatatyn adamdar paidalana alatyn.
Endi qalalyq qoǵamdyq kólikte (taksiden basqa) jeńildikpen júrý quqyǵyn taǵy 3 sanatqa jatatyn azamattar paidalanatyn bolady.
- basqa memleketterdiń aýmaǵyndaǵy áskeri is-qimylǵa qatysqan ardagerler;
- «Altyn alqa» jáne «Kúmis alqamen» marapattalǵan kópbalaly analar;
- on segiz jasqa deiingi múgedek balalardy jetektep júretin tulǵalar.
Ondai azamattardyń sany da aiqyndaldy.
Almatyda 18 jasqa deiingi múgedek balalardy alyp júrýshi 1161 adam 50% jeńildikpen júretin boldy. Al «Altyn alqa» jáne «Kúmis alqa» alqasymen marapattalǵan kópbalaly 4 663 ana tegin júredi.
