Almatynyń ortalyǵynda eski alyp aǵash kólik ústine qulady, dep habarlaidy QazAqparat.
Onyń videosy áleýmettik jelide tarap jatyr. Beinejazbadan alyp aǵashtyń jeńil kólikti basyp qalǵanyn kórýge bolady.
Oqiǵa 26 qarashada Gogol men Qaldaiaqov kósheleriniń qiylysynda bolǵan.
Qalalyq TJ departamentiniń málimetinshe, túski saǵat 13.19-da Medeý aýdanynyń politseilerinen habarlama túsken.
«TJD-ǵa Medeý aýdandyq politsiia basqarmasynan Qaldaiaqov kóshesi, 28-úidiń janynda «Kia RIO» markaly avtokóligine aǵash qulaǵany týraly habarlama kelip tústi. Qaza bolǵandar men zardap shekkender joq. Oqiǵa ornyna Almaty qalasy ákiminiń apparaty, «Almaty Tazalyq» JShS, 109 qutqarý qyzmetiniń mamandary dereý jumyldyryldy. Qazirgi ýaqytta joldyń júrý bóligin tazartý jumystary aiaqtalyp, oqiǵanyń mán-jaiy anyqtalyp jatyr, - dep habarlady vedomstvadan.
