الماتىنىڭ ورتالىعىندا ەسكٸ الىپ اعاش كٶلٸك ٷستٸنە قۇلادى, دەپ حابارلايدى قازاقپارات.
ونىڭ ۆيدەوسى ەلەۋمەتتٸك جەلٸدە تاراپ جاتىر. بەينەجازبادان الىپ اعاشتىڭ جەڭٸل كٶلٸكتٸ باسىپ قالعانىن كٶرۋگە بولادى.
وقيعا 26 قاراشادا گوگول مەن قالداياقوۆ كٶشەلەرٸنٸڭ قيىلىسىندا بولعان.
قالالىق تج دەپارتامەنتٸنٸڭ مەلٸمەتٸنشە, تٷسكٸ ساعات 13.19-دا مەدەۋ اۋدانىنىڭ پوليتسەيلەرٸنەن حابارلاما تٷسكەن.
«تجد-عا مەدەۋ اۋداندىق پوليتسييا باسقارماسىنان قالداياقوۆ كٶشەسٸ, 28-ٷيدٸڭ جانىندا «كيا RIO» ماركالى اۆتوكٶلٸگٸنە اعاش قۇلاعانى تۋرالى حابارلاما كەلٸپ تٷستٸ. قازا بولعاندار مەن زارداپ شەككەندەر جوق. وقيعا ورنىنا الماتى قالاسى ەكٸمٸنٸڭ اپپاراتى, «الماتى تازالىق» جشس, 109 قۇتقارۋ قىزمەتٸنٸڭ ماماندارى دەرەۋ جۇمىلدىرىلدى. قازٸرگٸ ۋاقىتتا جولدىڭ جٷرۋ بٶلٸگٸن تازارتۋ جۇمىستارى اياقتالىپ, وقيعانىڭ مەن-جايى انىقتالىپ جاتىر, - دەپ حابارلادى ۆەدومستۆادان.
