Almaty qalasynyń ákimi Baqytjan Saǵyntaev megapolistegi kólik jobalary týraly aitty, dep habarlaidy "Ult aqparat".
«BRT boiynsha jobalaý jumystary jalǵasýda. Bastalǵan jol jobaǵa sáikes Jeltoqsan kóshesine túsip, sodan keiin Tóle bi kóshesimen Shyǵys ainalma jolyna shyǵyp, Halyk Arena arqyly joǵarydaǵy depoǵa túsip, artqa burylady. Qazir jeliler kóbeidi. Sondyqtan jobalaý jumystary qoǵamdyq kólikterge arnalǵan arnaiy jelilerde júrgizilýde», - dedi Almaty ákimi Baqytjan Saǵyntaev.
Sonymen qatar, ol qaladaǵy LRT-ǵa qatysty qiyn máseleni atady.
«Bul jerde qarjylandyrý máselesi týyndaidy, oǵan kóp qarjy qajet, júzdegen milliard teńge, qazirgi devalvatsiiany eskere otyryp, baǵany naqtylaý qajet. Biz jobalaýshylarymen birgip qala biýdjeti muny qanshalyqty kótere alatynyn talqyladyq. Maǵan metro týraly suraq qoiyldy, múmkin metro qajet emes shyǵar deidi. Metro respýblikalyq biýdjetten qarjylandyrylady. Men úkimettiń aldyna qalalyq biýdjetke mundai jobany iske asyrý qiyn ekenin aityp, úkimet arqyly qarjylandyrýlaryn suradym. Alaida Úkimet eki qymbat jobany birdei qarjylandyra almaityndaryn jetkizdi. Qazir metronyń qurylysyn aiaqtaýymyz kerek. Sondyqtan LRT-ǵa qatysty túrli nusqalar qarastyrylady», – dedi ákim.
