Almatyda kólik urlaǵan er adam ustalǵan kezde ózin pyshaqtap tastady, - dep habarlaidy "Ult aqparat".
Ǵalamtorda Telegram áleýmettik jelisinde paida bolǵan sumdyq video qyzý talqylanyp jatyr. Onda óz-ózine pyshaq salǵan jannyń qan-josa bolyp jatqanyn kórýge bolady. Kýágerlerdiń aitýynsha, ol kólik urlamaq bolypty.
Polisia.kz málimetinshe, jedel basqarý ortalyǵyna er adam qońyraý shalyp, belgisiz bireý onyń Daewoo markaly avtokóligin urlamaq bolǵanyn aitqan.
Habarlasqan adamnyń sózinshe, ol keńse pyshaǵymen qarýlanǵan kúdiktini jaiaý ańdyp, artynan júrgen.
Birneshe minýttan keiin patrýldik politsiia qyzmetkerleri er adamǵa kómekke kelgen.
Al jazadan jaltarmaq bolǵan kúdikti ózine jaraqattar salǵan. Qazir ol meditsinalyq kómek alý úshin qaladaǵy aýrýhanalardyń birine jetkizildi.
"Istiń mán-jaiyn anyqtaý barysynda er adam ózgeniń kóligin Aqsai shaǵynaýdanynda urlaǵany belgili boldy. Sol jerde ol jol-kólik oqiǵasyn jasaǵan. Kólik iesi oqiǵa bolǵan orynǵa jaiaý júgirip jetip, kólikti aidap áketken adamdy ustaýǵa árekettengen. Atalǵan derek boiynsha qylmystyq is qozǵaldy. Basqa da mán-jailar anyqtalady", - dedi Áýezov aýdandyq politsiia basqarmasynyń basshysy Ulan Ábilqaiyr.
