الماتىدا كٶلٸك ۇرلاعان ەر ادام ۇستالعان كەزدە ٶزٸن پىشاقتاپ تاستادى, - دەپ حابارلايدى "ۇلت اقپارات".
عالامتوردا Telegram ەلەۋمەتتٸك جەلٸسٸندە پايدا بولعان سۇمدىق ۆيدەو قىزۋ تالقىلانىپ جاتىر. وندا ٶز-ٶزٸنە پىشاق سالعان جاننىڭ قان-جوسا بولىپ جاتقانىن كٶرۋگە بولادى. كۋەگەرلەردٸڭ ايتۋىنشا, ول كٶلٸك ۇرلاماق بولىپتى.
Polisia.kz مەلٸمەتٸنشە, جەدەل باسقارۋ ورتالىعىنا ەر ادام قوڭىراۋ شالىپ, بەلگٸسٸز بٸرەۋ ونىڭ Daewoo ماركالى اۆتوكٶلٸگٸن ۇرلاماق بولعانىن ايتقان.
حابارلاسقان ادامنىڭ سٶزٸنشە, ول كەڭسە پىشاعىمەن قارۋلانعان كٷدٸكتٸنٸ جاياۋ اڭدىپ, ارتىنان جٷرگەن.
بٸرنەشە مينۋتتان كەيٸن پاترۋلدٸك پوليتسييا قىزمەتكەرلەرٸ ەر ادامعا كٶمەككە كەلگەن.
ال جازادان جالتارماق بولعان كٷدٸكتٸ ٶزٸنە جاراقاتتار سالعان. قازٸر ول مەديتسينالىق كٶمەك الۋ ٷشٸن قالاداعى اۋرۋحانالاردىڭ بٸرٸنە جەتكٸزٸلدٸ.
"ٸستٸڭ مەن-جايىن انىقتاۋ بارىسىندا ەر ادام ٶزگەنٸڭ كٶلٸگٸن اقساي شاعىناۋدانىندا ۇرلاعانى بەلگٸلٸ بولدى. سول جەردە ول جول-كٶلٸك وقيعاسىن جاساعان. كٶلٸك يەسٸ وقيعا بولعان ورىنعا جاياۋ جٷگٸرٸپ جەتٸپ, كٶلٸكتٸ ايداپ ەكەتكەن ادامدى ۇستاۋعا ەرەكەتتەنگەن. اتالعان دەرەك بويىنشا قىلمىستىق ٸس قوزعالدى. باسقا دا مەن-جايلار انىقتالادى", - دەدٸ ەۋەزوۆ اۋداندىق پوليتسييا باسقارماسىنىڭ باسشىسى ۇلان ەبٸلقايىر.
