Almatyda Shyǵys ainalma jolynyń boiynda shala-jansar kúide kilemge oraýly jatqan jerinen tabylǵan balany kólik qaqpaǵan. Týǵan ákesi sońynan erip shyqqan ulyn ózi taspen basynan urypty, dep habarlady KTK.
Murat Asqarogly sol sátte mas bolǵandyqtan, aiaǵyna oratylǵan balasy mazasyn alǵanyn aitýda. Adam joq qýysta óz ulyn uryp jyǵyp, sasqanynan avtobýsqa otyryp ketip qalǵan. Al 4 jasar Muhammed qara tústi kólik qaqty degen kelinshek te tergeýshilerge ótirik aqparat bergenin moiyndady.
Joq júrgizýshini osy ýaqytqa deiin izdep tappaǵan politsiia bar otbasynan seziktene bastapty. Aqyry beine jazbalardy qaita qarap, onda ákesi balasyn jetektep, bara jatqan kadrlardy baiqaǵan. Sóitip sábi tabylǵan jerdegi shópti shaýyp, qylmys quraly – qanǵa boialǵan tasty da taýypty. Dárigerler de búldirshinniń jaraqattary da jol apatynan bolmaǵan degen toqtamǵa kelipti. Qazir ákesi jylarman bop búkil elden keshirim surap otyr. Biraq qatygez áke de, tergeýshilerdi shatastyrǵan kýáger kelinshek te sot aldynda jaýap bermek.
