© Sputnik / Irina Semibratova
"Green Recycle" JShS qoqys óńdeý kásipornynyń aýmaǵynda áiel adamnyń denesi tabyldy, dep habarlady Almaty qalalyq politsiia departamenti.
Oqiǵa 11 aqpan tańerteń bolǵan. Áieldiń denesi qoqysty suryptaý kezinde tabylǵan.
Áleýmettik jelidegi aqparat boiynsha, qaiǵyly oqiǵa 9 aqpanda jalǵa alynǵan úide bolǵan. Marqum 1989 jylǵy, al óltirdi degen kúdikke ilingen er adam 1983 jyly týǵan.
"Túrksib aýdandyq politsiia bólimi kisi óltirý deregi boiynsha qylmystyq is qozǵady. Kúdikti ustalyp, ýaqytsha ustaý izoliatoryna qamaldy. Aldyn ala málimet boiynsha er adam ózimen birge turatyn áielmen spirttik ishimdik iship, onymen janjaldasyp qalǵan", - deidi vedomstvo.
Kúdikti áieldi aiýandyqpen óltirip, denesin qoqys jáshigine tastap ketken.
