Almatyda taý baýraiyndaǵy tabiǵi órt toqtar emes. Endi Kóktóbe saiabaǵy mańynda qýraǵan shóp janyp jatyr, dep habarlaidy QazAqparat.
Áleýmettik jelide órttiń videosy tarady.
Almaty qalalyq Tótenshe jaǵdailar departamentiniń málimetinshe, «101» pýltine saǵat 18:58-de Medeý aýdany, Jánibekov kóshesi, 78 mekenjaiy boiynsha órt shyqqan týraly habarlama túsken.
«Tutanǵan tabiǵi órtti sóndirýge órt sóndirýshiler joǵary dárejedegi shaqyrtýmen jiberildi», - dedi vedomstvodan.
Aita keteiik, budan bólek, búgin tańǵy saǵat 11:08 shamasynda Medeý aýdanyndaǵy taý bókterinde qýraǵan shóp jana bastaǵan edi.
Al Keńsai ziraty aýmaǵynda tutanǵan tabiǵi órtti sóndirýmen qazir 100-den astam adam ainalysyp jatyr.
