الماتىدا تاۋ باۋرايىنداعى تابيعي ٶرت توقتار ەمەس. ەندٸ كٶكتٶبە ساياباعى ماڭىندا قۋراعان شٶپ جانىپ جاتىر, دەپ حابارلايدى قازاقپارات.
ەلەۋمەتتٸك جەلٸدە ٶرتتٸڭ ۆيدەوسى تارادى.
الماتى قالالىق تٶتەنشە جاعدايلار دەپارتامەنتٸنٸڭ مەلٸمەتٸنشە, «101» پۋلتٸنە ساعات 18:58-دە مەدەۋ اۋدانى, جەنٸبەكوۆ كٶشەسٸ, 78 مەكەنجايى بويىنشا ٶرت شىققان تۋرالى حابارلاما تٷسكەن.
«تۇتانعان تابيعي ٶرتتٸ سٶندٸرۋگە ٶرت سٶندٸرۋشٸلەر جوعارى دەرەجەدەگٸ شاقىرتۋمەن جٸبەرٸلدٸ», - دەدٸ ۆەدومستۆودان.
ايتا كەتەيٸك, بۇدان بٶلەك, بٷگٸن تاڭعى ساعات 11:08 شاماسىندا مەدەۋ اۋدانىنداعى تاۋ بٶكتەرٸندە قۋراعان شٶپ جانا باستاعان ەدٸ.
ال كەڭساي زيراتى اۋماعىندا تۇتانعان تابيعي ٶرتتٸ سٶندٸرۋمەن قازٸر 100-دەن استام ادام اينالىسىپ جاتىر.
