Almatyda «Eńbek» baǵdarlamasy aiasynda ýaqytsha jumys isteitin jumyssyzdarǵa qoldaý kórsetiledi, dep habarlaidy "Ult aqparat".
Almaty qalasy halyqty jumyspen qamtý ortalyǵynyń direktory Diliara Imanqulovanyń aitýynsha, búgingi kúnge deiin qoǵamdyq jumystarǵa tartylǵandarǵa eń tómengi jalaqy (aiyna 63,350 teńge) tólenetin.
«Tótenshe jaǵdaiǵa bailanysty jeke uiymdardyń qyzmeti toqtap tur. Sáikesinshe, jumyssyzdar sany kóbeiýde. Áleýmettik qoldaý jáne halyqty qoǵamdyq jumystarǵa tartý maqsatynda basqarma basshysynyń buiryǵymen qoǵamdyq jumystarǵa qatysýshynyń jalaqysy kóterildi. Aiyna 85 myń teńge mólsherinde bekitildi», – dedi Diliara Imanqulova.
Jalpy qoǵamdyq jumysqa 12 myń adamdy jiberý josparlanǵan.Qazirgi ýaqytta 2290 jumysshy tartyldy.
« Bul tek kóshelerdi, saiabaqtardy, alańdardy tazartý ǵana emes, munda eriktiler qyzmeti de qarastyrylǵan. Iaǵni, qarttar men múgedekterge qaraý siiaqty basqa da jumys túrleri bar», – dedi ol.
