Qalalyq avtobýs marshrýttary 21 mamyrdan bastap keshki saǵat 21:00-ge deiin jumys isteitin bolady, dep habarlaidy "Ult aqparat".
«Qoǵamdyq kólikterdiń júrý ýaqyty uzartylady. Erteńnen bastap keshki saǵat 21:00-ge deiin júredi. Bul rette jolaýshylar maska taǵý jáne áleýmettik araqashyqtyqty saqtaý siiaqty sanitarlyq normalardy qatań saqtaǵan jaǵdaida ǵana qoǵamdyq kólikpen qatynai alady. Sondai-aq avtobýs salonyndaǵy jolaýshylar sany otyratyn oryndardan aspaýy tiis», dep habarlady qala ákimdiginiń baspasóz qyzmeti.
Eger otyratyn oryn bolmasa, kelesi avtobýsty kútý kerek. Jolaýshylar aǵynynyń azaiýyna qaramastan, qala turǵyndarynyń yńǵailylyǵy men kútý aralyǵyn qysqartý úshin qazir avtobýstardyń 90%-y jolǵa shyqty.
Sonymen qatar, sanitarlyq normalardyń saqtalýyna jolaýshylardyń ózderi jaýapty ekenin atap ótken jón. SES qyzmetkerleri quqyq qorǵaý organdarymen birlesip qoǵamdyq kólikte tekserýler uiymdastyratyn bolady.
Esterińizge sala keteiik, qala mańy baǵdarlarynyń jumysyn qalpyna keltirý ázirge josparda joq.
