Almatyda jarty kún ishinde qoǵamdyq kólikterde myńnan astam jolaýshy maska rejimin buzdy. Bul týraly Almaty qalalyq tsifrlandyrý basqarmasynyń basshysy Baian Qońyrbaev aitty, dep habarlaidy "Ult aqparat".
Onyń aitýynsha, qalada 16 baǵyt boiynsha júretin 32 avtobýsta maska rejimin baqylaityn beinekamera ornatylǵan.
«Aldaǵy ýaqytta mundai beinebaqylaý kameralary barlyq qoǵamdyq kólikterde bolady. Adamdardyń maska taǵýyn qadaǵalaityn qurylyǵy avtobýstardyń salonyna ornatylady. Osylaisha, maska rejimin buzǵan jolaýshy týraly aqparat ahýaldyq ortalyqqa túsedi, keiin avtobýs júrgizýshisine habarlama keledi»,– deidi spiker.
Sonymen qatar, qalalyq tsifrlandyrý basqarmasy qoǵamdyq kólikterde jáne adamdar kóp shoǵyrlanatyn jerde bolatyn urlyqtyń aldyn alý úshin aýqymdy jumystar júrgizýde.
«Osy kameralar arqyly biz kún saiyn taldaý júrgizip, qalada qanshalyqty tártip buzýshylyqtar bolyp jatqanyn kóremiz. Máselen, 20 qarashada qaladaǵy saýda ortalyqtary men dárihanalarda 21615 buzýshylyq anyqtaldy. Jarty kúnde qoǵamdyq kólikterde 3616 zań buzýshylyq boldy. Onyń 1200–i maska rejimin ustamaǵandar»,– dep atap ótti Baian Qońyrbaev.
