Almatyda qoǵamdyq kólikte maska rejimin buzǵany úshin 22 adamǵa aiyppul salyndy, dep habarlaidy "Ult aqparat".
Epidemiologtardyń málimetinshe, qoǵamdyq kólik – infektsiiany juqtyratyn negizgi bestiktiń biri (juqtyrý 16,8%).
Sondyqtan Almaty qalasy aýdan ákimdikteri janynan qurylǵan monitoring toptary maska rejiminiń saqtalýyn baqylaý boiynsha jumys júrgizip jatyr.
Bir táýlikte 112 avtobýs pen trolleibýs tekserildi. Buzýshylyqtar myna avtobýstarda anyqtaldy: №1, 98, 32, 123, 79, 11, 9, 45, 22, 135, 105, 201, 7, 126, 60, 114, 25, 5, 5V, 29, 65, 37, 205, 224, 20, 148, 38, 62, 210, 45, 18. Maska rejimin buzǵan 22 jeke tulǵaǵa aiyppul salyndy, barlyq jolaýshylar QR ÁQBtK 1-bóliminiń 425-baby boiynsha ákimshilik jaýapkershilikke tartyldy.
Mamandar koronavirýs infektsiiasynyń aldyn alý úshin Almaty turǵyndaryn halyq kóp jinalatyn jerlerde, qoǵamdyq kólikte qaýipsizdik sharalaryn, maska rejimin saqtaýǵa shaqyrdy.
Qoǵamdyq kólikten basqa, monitoring toptardyń ókilderi qoǵamdyq tamaqtaný, dúkender men basqa da adamdar kóp jinalatyn nysandardy tekserýdi jalǵastyryp jatyr.
Mobildi toptardyń málimeti boiynsha jyl basynan beri 1150-den astam meiramhana, kafe men dúkende, 171 kompiýterlik klýbta, 21 biliard klýbynda, 5 spa-salonynda, 31 saýnada, 2 kalian zalynda, 54 karaokede karantindik sharalardyń buzylýy anyqtaldy. Belgilengen shekteýlerdi buzǵan 3300-den astam adam politsiiaǵa jetkizildi.
