الماتىدا قوعامدىق كٶلٸكتە ماسكا رەجيمٸن بۇزعانى ٷشٸن 22 ادامعا ايىپپۇل سالىندى, دەپ حابارلايدى "ۇلت اقپارات".
ەپيدەميولوگتاردىڭ مەلٸمەتٸنشە, قوعامدىق كٶلٸك – ينفەكتسييانى جۇقتىراتىن نەگٸزگٸ بەستٸكتٸڭ بٸرٸ (جۇقتىرۋ 16,8%).
سوندىقتان الماتى قالاسى اۋدان ەكٸمدٸكتەرٸ جانىنان قۇرىلعان مونيتورينگ توپتارى ماسكا رەجيمٸنٸڭ ساقتالۋىن باقىلاۋ بويىنشا جۇمىس جٷرگٸزٸپ جاتىر.
بٸر تەۋلٸكتە 112 اۆتوبۋس پەن تروللەيبۋس تەكسەرٸلدٸ. بۇزۋشىلىقتار مىنا اۆتوبۋستاردا انىقتالدى: №1, 98, 32, 123, 79, 11, 9, 45, 22, 135, 105, 201, 7, 126, 60, 114, 25, 5, 5ۆ, 29, 65, 37, 205, 224, 20, 148, 38, 62, 210, 45, 18. ماسكا رەجيمٸن بۇزعان 22 جەكە تۇلعاعا ايىپپۇل سالىندى, بارلىق جولاۋشىلار قر ەقبتك 1-بٶلٸمٸنٸڭ 425-بابى بويىنشا ەكٸمشٸلٸك جاۋاپكەرشٸلٸككە تارتىلدى.
ماماندار كوروناۆيرۋس ينفەكتسيياسىنىڭ الدىن الۋ ٷشٸن الماتى تۇرعىندارىن حالىق كٶپ جينالاتىن جەرلەردە, قوعامدىق كٶلٸكتە قاۋٸپسٸزدٸك شارالارىن, ماسكا رەجيمٸن ساقتاۋعا شاقىردى.
قوعامدىق كٶلٸكتەن باسقا, مونيتورينگ توپتاردىڭ ٶكٸلدەرٸ قوعامدىق تاماقتانۋ, دٷكەندەر مەن باسقا دا ادامدار كٶپ جينالاتىن نىسانداردى تەكسەرۋدٸ جالعاستىرىپ جاتىر.
موبيلدٸ توپتاردىڭ مەلٸمەتٸ بويىنشا جىل باسىنان بەرٸ 1150-دەن استام مەيرامحانا, كافە مەن دٷكەندە, 171 كومپيۋتەرلٸك كلۋبتا, 21 بيليارد كلۋبىندا, 5 سپا-سالونىندا, 31 ساۋنادا, 2 كاليان زالىندا, 54 كاراوكەدە كارانتيندٸك شارالاردىڭ بۇزىلۋى انىقتالدى. بەلگٸلەنگەن شەكتەۋلەردٸ بۇزعان 3300-دەن استام ادام پوليتسيياعا جەتكٸزٸلدٸ.
