Almatylyq Toyota Camry kóligimen taksi qyzmetin usynǵan. Ol kezekti bir tapsyrys kezinde klient tarapynan pyshaq shabýylyna ushyraǵan. Sonymen qatar kóliginen de aiyrylyp qalǵan, - dep habarlaidy Tengrinews.kz tilshisi.
Oqiǵa biyl 12 naýryzǵa qaraǵan túni Túrksib aýdanynda bolǵan. Júrgizýshiniń tanystary áleýmettik jelilerde osy oqiǵa týraly aityp bergen.
"Tapsyrys túsken: klientterdi áýejaiǵa aparý kerek bolǵan. Júrgizýshi shaqyrǵan orynǵa kelgen, chemodandar men sómkeleri bar adamdardy kólikke otyrǵyzǵan. Barlyǵy tynysh bolǵan, kólik ShAAJ boiynsha júrgen. Sodan keiin júrgizýshi Buqtyrma kóshesine burylǵan.
Ekobeket mańynda klientter Nurshashqan shaǵynaýdany arqyly júrýin suraǵan. Olar jolda kólikti toqtatýyn ótinip, sol kezde klientterdiń biri júrgizýshige 6-7 ret pyshaq suǵyp alǵan. Ári qarai jospar boiynsha júrgizýshini sol jerde qaldyryp, kólikti aidap áketken", - delingen basylymda.
