Almatyda QHA III halyqaralyq media-forýmy ótti

2017 jyldyń 17 qarashasynda Almaty qalasyndaǵy ál-Farabi atyndaǵy Qazaq ulttyq ýniversitetinde «Sananyń ashyqtyǵy» taqyrybynda Qazaqstan halqy Assambleiasynyń III halyqaralyq Media forýmy ótti.  

Forýmnyń maqsaty – qoǵamdy jańǵyrtý jáne sananyń ashyqtyǵyn qalyptastyrýdaǵy, ulttyq biregeilikti nyǵaitýdaǵy BAQtyń rólin talqylaý,    kásiptik ádep, sondai-aq kóp etnosty qoǵam jaǵdaiynda mass-media mádenietin damytý máseleleri.

Forýmdy QHA Tóraǵasynyń orynbasary – hatshylyq meńgerýshisi  D.Myńbai kirispe sóz sóilep ashyp, Aqparat jáne kommýnikatsiialar vitse-ministri A.Ájibaev, QazUÝ rektory Ǵ.Mutanov quttyqtaý sóz aitty.

Is-sharaǵa QR Parlamentiniń depýtattary,  QHA músheleri,  memlekettik organdardyń laýazymdy tulǵalary,  Germaniia, Latviia, Resei, Ózbekstannan sheteldik sarapshylar,  mass-media salasyndaǵy otandyq sarapshylar, respýblikalyq jáne óńirlik  etnomdeni birlestikter BAQtarynyń basshylary, ál-Farabi atyndaǵy Qazaq ulttyq  ýniversitetiniń professorlar-oqytýshylar quramy, Almaty qalasy joǵary oqý oryndary jýrnalistika fakýltetteriniń stýdentteri qatysty.

Kirispe sózinde Darhan Myńbai shynaiy yntymaqtastyq pragmatikalyq jáne strategiialyq sipattaǵy maqsatty kózdeitinin,  saiasi odaqtar men birlestikter, zamanaýi mass-media áriptestik kelisimder jasap, aqparat almasyp, birlesken forýmdar ótkizip jáne shyǵarmashylyq odaqtar quryp  yntymaqtasatynyn atap kórsetti.

Jýrnalister qaýymdastyǵynyń jumylýynyń mysaly retinde Tóraǵanyń orynbasary Eýraziialyq mediaforýmdy, taiaýda qurylǵan Qazaqstandyq media Aliansty atady. Ol QHA etnomádeni birlestikteri shyǵaratyn buqaralyq aqparat quraldary bul protsesten tys qalmaitynyna senim bildirdi.

Media forýmnyń jalpy otyrysy  TEDx konferentsiiasy formatynda ótip, sheteldik sarapshylar:  Konstantin Shamber (Germaniia), Kirill Privalov pen Robert Frantsev (Resei), Vladimir Reshetov (Latviia), Gýlnora Abdýnazarova (Ózbekstan), sondai aq belgili otandyq BAQ ókilderi: Erlan Igisinov, Armanjan Baitasov, Aigúl Múkei, Órken Kenjebek jáne Mahabbat Esen spikerler boldy.

Forým aiasynda  etnomádeni birlestikteri shyǵaratyn buqaralyq aqparat quraldarynyń kórmesi uiymdastyrylyp, forým sońynda  Qazaqstan halqy Assambleiasynyń jýrnalistika salasynda jyl saiynǵy «Shanyraq» shyǵarmashylyq konkýrsynyń jeńimpazdaryn saltanatty marapattaý ótkizildi.