Almatyda «Zerdeli-6» shaǵyn aýdanynda qisaiyp ketken kópqabatty 6 turǵyn úidiń zertteý jumystary 2020 jyldyń qarasha aiynda aiaqtalady. Bul týraly qala ákimdiginen málim etti, dep habarlaidy "Ult aqparat".
Almatynyń Jaily qalalyq orta basqarmasynyń málimetinshe, № 1/179 úidiń vertikal jaǵyn qalpyna keltirýge jáne nyǵaitýǵa 196 mln teńge bólingen. Sonymen qatar, turǵyndardy ýaqytsha ornalastyrý úshin tótenshe jaǵdai aiasynda jergilikti biýdjet rezervinen 32 mln teńge qarastyrylǵan.
Budan bólek, taǵy 312 million teńge toǵyz qabatty barlyq 32 turǵyn úige tekserý júrgizýge baǵyttaldy. Ol úshin «QazQSǴZI» AQ-men shart jasaldy.
«Zertteý nátijeleri boiynsha bul úilerdiń qisaiýy anyqtalǵan joq. Berilgen qorytyndylar men usynymdarǵa sáikes qurylystardyń shógýine jol bermeý maqsatynda irgetastardyń negizin nyǵaitý boiynsha jumystar júrgizý qajet. Turǵyn úilerdiń irgetasyn nyǵaitý jumystary kezinde turǵyndar kóshirilmeidi, sebebi olarǵa qaýip joq. Nyǵaitý jumystary kezeń-kezeńmen júrgiziledi. Biyl 6 úidi nyǵaitý boiynsha is-sharalar josparlanǵan. № 1/160, 1/161 kópqabatty úidi nyǵaitýǵa 271 mln teńge bólindi.
«QazQSǴZI» AQ jasalǵan kelisimshartqa sáikes barlyq turǵyn úilerge zertteý jumystary júrgiziledi. Jumystyń aiaqtalý merzimi - 2020 jyldyń qarashasy. Osydan keiin naqty soma belgili bolady», - dedi Almaty ákimdiginen.
