Eger kelýshilerdiń biri koronavirýsty kinoteatrdan juqtyrǵany anyqtalsa, ol jabyla ma? Bul suraqqa onlain brifing barysynda Almatynyń bas sanitarlyq dárigeri Jandarbek Bekshin jaýap berdi, dep habarlaidy "Ult aqparat".
Jandarbek Bekshin Qazaqstannyń bas sanitarlyq dárigeriniń № 57 qaýlysyna sáikes, Almatydaǵy kinoteatrlardyń jumys isteýine ruqsat berilgenin atap ótti.
«Kelýshilerdiń bireýi aýrý juqtyrsa, kinoteatrlar jabylmaidy. Infektsiia faktisi rastalsa, onda ol qarqyndy túrde dezinfektsiialanady. Eger infektsiianyń qaitalanǵan jaǵdailary bolsa, onda bul kinoteatr jabylýy ábden múmkin. Bul másele áli de qarastyrylatyn bolady. Biz barlyq turǵyndar men kásipkerlerden densaýlyq saqtaý ministrliginiń barlyq profilaktikalyq sharalary men talaptaryn oryndaýdy suraimyz», - dep jaýap berdi Jandarbek Bekshin.
Eske salaiyq, Almatydaǵy kinoteatrlarǵa 26 qazannan bastap jumys isteýge ruqsat berilgen.
