Kiiz úide jartylai jalańash bilegen jigittiń daýly videosyna qatysty depýtat Samat Musabaevtyń aryzyn Ulttyq qaýipsizdik komiteti men Bas prokýratýra tekserip jatqany belgili boldy, dep habarlaidy "Ult aqparat" Stan.kz aqparat agenttigine silteme jasap.
Esterińizge sala keteiik, qazaqsha kiim kigen jartylai jalańash qyzdar men jigittiń kiiz úide bilegen videosy áleýmettik jelilerde talqyǵa túsken bolatyn. Belgili bolǵandai, rolik Almaty oblysynyń Qarasai aýdanynda túsirilgen.
"2024 jyly 1 shildede Qarasai aýdandyq politsiia basqarmasy QR QK 174-babynyń 1-bóligi boiynsha "áleýmettik, ulttyq, rýlyq, násildik, tektik-toptyq nemese dini alaýyzdyqty qozdyrý" boiynsha sotqa deiingi tergeýdi bastady", – dep habarlady Bas prokýror Berik Asylov.
Bul bap boiynsha eger kiná dáleldense, jeti jylǵa deiin bas bostandyǵynan aiyrylý jazasy kózdelgen. Alaida Ulttyq qaýipsizdik komiteti bishilerdiń nietin bir beine arqyly anyqtaý múmkin emes ekenin atap ótti.
"Qylmystyq kodekstiń 174-babynda kózdelgen qylmystyq quqyq buzýshylyq quramynyń negizgi belgisi kináli adamnyń qandai da bir alaýyzdyqty qozǵaýǵa baǵyttalǵan qasaqana ýájdemesi bolyp tabylady. Tek bir beine negizinde onyń avtorlarynyń nietteriniń shynaiy baǵytyn anyqtaý múmkin emes. Sondyqtan qylmystyq zańnyń kórsetilgen normasy boiynsha obektivti quqyqtyq baǵa berý de qiyn", — dedi Ermek Saǵymbaev.
Vedomstvo basshysy psihologiialyq-filologiialyq saraptama júrgiziletinin atap ótti.
Depýtattar buǵan deiin ulttyq kiimderdi qorlaǵandardy jazalaýdy suraǵan edi.
