كيٸز ٷيدە جارتىلاي جالاڭاش بيلەگەن جٸگٸتتٸڭ داۋلى ۆيدەوسىنا قاتىستى دەپۋتات سامات مۇساباەۆتىڭ ارىزىن ۇلتتىق قاۋٸپسٸزدٸك كوميتەتٸ مەن باس پروكۋراتۋرا تەكسەرٸپ جاتقانى بەلگٸلٸ بولدى, دەپ حابارلايدى "ۇلت اقپارات" Stan.kz اقپارات اگەنتتٸگٸنە سٸلتەمە جاساپ.
ەستەرٸڭٸزگە سالا كەتەيٸك, قازاقشا كيٸم كيگەن جارتىلاي جالاڭاش قىزدار مەن جٸگٸتتٸڭ كيٸز ٷيدە بيلەگەن ۆيدەوسى ەلەۋمەتتٸك جەلٸلەردە تالقىعا تٷسكەن بولاتىن. بەلگٸلٸ بولعانداي, روليك الماتى وبلىسىنىڭ قاراساي اۋدانىندا تٷسٸرٸلگەن.
"2024 جىلى 1 شٸلدەدە قاراساي اۋداندىق پوليتسييا باسقارماسى قر قك 174-بابىنىڭ 1-بٶلٸگٸ بويىنشا "ەلەۋمەتتٸك, ۇلتتىق, رۋلىق, نەسٸلدٸك, تەكتٸك-توپتىق نەمەسە دٸني الاۋىزدىقتى قوزدىرۋ" بويىنشا سوتقا دەيٸنگٸ تەرگەۋدٸ باستادى", – دەپ حابارلادى باس پروكۋرور بەرٸك اسىلوۆ.
بۇل باپ بويىنشا ەگەر كٸنە دەلەلدەنسە, جەتٸ جىلعا دەيٸن باس بوستاندىعىنان ايىرىلۋ جازاسى كٶزدەلگەن. الايدا ۇلتتىق قاۋٸپسٸزدٸك كوميتەتٸ بيشٸلەردٸڭ نيەتٸن بٸر بەينە ارقىلى انىقتاۋ مٷمكٸن ەمەس ەكەنٸن اتاپ ٶتتٸ.
"قىلمىستىق كودەكستٸڭ 174-بابىندا كٶزدەلگەن قىلمىستىق قۇقىق بۇزۋشىلىق قۇرامىنىڭ نەگٸزگٸ بەلگٸسٸ كٸنەلٸ ادامنىڭ قانداي دا بٸر الاۋىزدىقتى قوزعاۋعا باعىتتالعان قاساقانا ۋەجدەمەسٸ بولىپ تابىلادى. تەك بٸر بەينە نەگٸزٸندە ونىڭ اۆتورلارىنىڭ نيەتتەرٸنٸڭ شىنايى باعىتىن انىقتاۋ مٷمكٸن ەمەس. سوندىقتان قىلمىستىق زاڭنىڭ كٶرسەتٸلگەن نورماسى بويىنشا وبەكتيۆتٸ قۇقىقتىق باعا بەرۋ دە قيىن", — دەدٸ ەرمەك ساعىمباەۆ.
ۆەدومستۆو باسشىسى پسيحولوگييالىق-فيلولوگييالىق ساراپتاما جٷرگٸزٸلەتٸنٸن اتاپ ٶتتٸ.
دەپۋتاتتار بۇعان دەيٸن ۇلتتىق كيٸمدەردٸ قورلاعانداردى جازالاۋدى سۇراعان ەدٸ.
