Almatyda koronavirýs infektsiiasynyń taralýyn toqtatý maqsatynda halyqaralyq reister toqtatyldy, dep habarlaidy "Ult aqparat".
QR DSM taýarlar men kórsetiletin qyzmetterdiń sapasy men qaýipsizdigin baqylaý komitetiniń kóliktegi taýarlar men kórsetiletin qyzmetterdiń sapasy men qaýipsizdigin baqylaý departamentiniń qaýlysyna sáikes, 1 sáýir saǵat 00.00-den bastap Almaty qalasynda jolaýshylardy tasymaldaityn halyqaralyq áýe reisteri toqtaidy.
Bul Almaty qalasynyń turǵyndary arasynda COVID-19 infektsiiasynyń odan ári taralýynyń aldyn alý jáne oǵan jol bermeý maqsatynda jasalyp otyr.
«Halyqaralyq Almaty Áýejaiy» AQ osy qaýlyny oryndaý úshin tiisti sharalar qabyldady. Onyń oryndalýyn baqylaý kóliktegi bas memlekettik sanitar dárigerlerge júkteledi. Bul qaýly qol qoiylǵan kúninen bastap kúshine enedi.
Endi halyqaralyq jolaýshy reisteri 2020 jyldyń 1 sáýirinen bastap Qazaqstannyń basqa qalalaryna baǵyttalady.
Aita ketý kerek, QR Prezidenti janyndaǵy tótenshe jaǵdaidy qamtamasyz etý boiynsha memlekettik komissiianyń sheshimimen qalada qosymsha shekteýler qoiylyp jatyr. Almatyda karantin rejimi kúsheidi.
