Foto: Almaty ákimdigi
Almatyda Halyq Qaharmany Baýyrjan Momyshulynyń eskertkishine gúl shoqtaryn qoiý rásimi ótti, dep habarlaidy Ult.kz.
Is-shara 28 gvardiiashy-panfilovshylar saiabaǵy aýmaǵynda uiymdastyryldy.
Rásimge qolbasshynyń týystary, áskeri qyzmetshiler, ziialy qaýym ókilderi, UQK Shekara akademiiasynyń kýrsanttary jáne qala turǵyndary qatysty. Qatysýshylar batyrdyń rýhyna bir minýt únsizdikpen taǵzym etti.
Eske sala keteiik, «Halyq Qaharmany» ataǵy Baýyrjan Momyshulyna Qazaqstan Respýblikasy Prezidentiniń 2025 jylǵy 25 jeltoqsandaǵy №1137 Jarlyǵymen berildi.
Is-shara barysynda qatysýshylar Baýyrjan Momyshuly tulǵasynyń tarihi mańyzyn, onyń áskeri iske jáne jas urpaqty tárbieleýge qosqan zor úlesin, sondai-aq qurmetti ataqtyń berilýine qoǵam tarapynan joǵary qoldaý bolǵanyn atap ótti. Rásimniń resmi bóliginen keiin UQK Shekara akademiiasynyń kýrsanttary saltanatty sappen ótip, áskeri qurmet kórsetti.
