Almatylyqtar egeýquiryqtardyń kóbeiýine qatysty shaǵymdanyp jatyr. Osy oraida ákimdik bul jaǵdaiǵa túsinikteme berdi, dep habarlaidy "Ult aqparat".
Áleýmettik jelilerde aryqtarda videoǵa túsirilgen egeýquiryqtar jariialanǵan.
«Egeýquiryqtar qala aýmaǵyna taralyp barady. Olardy ýlamaýdyń saldarynan sany kóbeigen», - delingen jazbada.
Osy oraida jeli qoldanýshylary egeýquiryqtar saiabaqtar men bazarlarda da kóptep kezdesetinin sóz etken.
Óz kezeginde Almaty qalasy Energotiimdilik jáne infraqurylymdyq damý basqarmasy atalǵan eskertýge bailanysty Mámetova-Ýálihanov kósheleri qiylysynda kemirýshilerdi joiý jumystaryn júrgizýge tiisti tapsyrma berilgenin habarlady. Kelesi kúni tiisti óńdeý jumystary júrgizilgen.
Budan bólek, «Amanat Cleaning» JShS merdiger uiymy deratizatsiialyq jumystardyń birinshi kezeńin aiaqtaǵan.
«Bul jumystardyń ekinshi kezeńi biyldyń qyrkúiek aiyna belgilendi. Iaǵni osy jylǵy 30 qarashaǵa deiin jalǵasady. Qosymsha mobildi brigadalar tartyldy, olar turǵyndardyń shaqyrtýy boiynsha barady. Ótinimderdi Open Almaty portaly, áleýmettik jelidegi (basqarmanyń) paraqshalar men azamattardyń jazbasha shaqyrtýy boiynsha Energotiimdilik jáne infraqurylymdyq damý basqarmasy qabyldaidy», - dep atalyp ótken basqarma jaýabynda.
