Foto: 2gis.kz
Almaty prokýratýrasy Abai atyndaǵy QazUPÝ ulttyq ýniversitetine oqý korpýstary men stadionyn qaitardy, - dep habarlaidy Ult.kz.
Bas prokýratýra málimetine súiensek, Medeý aýdanynyń prokýratýrasy "Abai atyndaǵy Qazaq ulttyq pedagogikalyq ýniversitetiniń" múlkin zańsyz satý faktilerin anyqtady.
"Oqý jáne turǵyn úi alańynyń jetispeýshiligine qaramastan, ýniversitettiń burynǵy basshylyǵy saýda-sattyqty ótkizbei jáne baǵalaýsyz jalpy aýdany 1500 sharshy metrden astam eki oqý korpýsyn jeke tulǵalarǵa zańsyz satqan. Biraqta ǵimarattardyń biri keiinnen birneshe jyl boiy ýniversitettiń ózine jalǵa berilse, al ekinshisinde oiyn-saýyq mekemesi uiymdastyrylǵan", - delingen habarlamada.
Sonymen qatar sportty birlesip damytamyz degen kóz-boiaýshylyqpen Gorkii atyndaǵy Ortalyq mádeniet jáne demalys saiabaǵynda ornalasqan alańy 5 gektardan asatyn sport stadiony 10 jylǵa úshinshi tulǵalarǵa berilgen. 5 jyl boiy fýtbol alańy kommertsiialyq maqsatta paidalanǵan, al 16 myń stýdenttiń dene shynyqtyrýmen tolyq ainalysýǵa jáne sporttyq is-sharalar ótkizýge múmkindigi bolmaǵan.
"Medeý aýdany prokýratýrasynyń qadaǵalaý aktileri boiynsha zańdy kúshine engen sot sheshimderimen, múlik obektileri ulttyq ýniversitetke qaitaryldy", -delingen habarlamada.
