Búgin Kazakhstan Urban Conference 2019 otyrysynda Almaty ákimi Baqytjan Saǵyntaev megapolis damýynyń túbegeili jańa kezeńin bastaityn «Almaty 2050» strategiiasynyń qoǵam men sarapshylar talqylaýynan ótken nátijesin usyndy, dep habarlaidy "Ult aqparat".
Almaty ákimdigi uiymdastyrǵan Kazakhstan Urban Conference 2019 forýmynyń pikirtalas alańynda qoǵamdyq qaýipsizdik, qala kóliginiń tiimdiligi, ekologiia, megapolistiń aýmaqtyq damýy, kommýnaldy sektordy jaqsartý, eńbekpen qamtý jáne basqa da máseleler talqylanýda. «2050 jyly Almatynyń kelbeti qalai ózgeredi?», «Almaty 5 mln turǵynǵa metroóńir bola ala ma?» taqyryptary jeke talqylanady.
Ýrban forýmnyń jumysyna steikholderler, ýrbanister, sáýletshiler, ekonomister, investorlar, úkimettik emes uiym ókilderi men qala turǵyndary qatysýda. Olar ashyq dialog barysynda zamanýi qalalardyń damýy týraly óz oilaryn ortaǵa salyp jatyr.
Almaty qalasynyń ákimi Baqytjan Saǵyntaev «Almaty 2050» damý strategiiasy týraly aita kelip, onyń basty úsh qaǵidat - jańa ekonomika, jańa keńistik jáne jańa kommýnikatsiialarǵa negizdelgenin atap ótti.
«Biz almatylyqtardyń joǵary sapaly ómir súrýi myqty qalalyq ekonomikalyq baza qalyptasqanda ǵana múmkin ekenine kóz jetkizdik. Sondyqtan strategiiada ekonomikalyq damýdyń «qurylymdyq manevri» jasalǵan, osynyń aiasynda biz kreativti indýstriianyń, aqparattyq tehnologiianyń, týrizmniń úlesin birtindep ulǵaitamyz», — dedi Baqytjan Saǵyntaev.
Jiyn barysynda megapolis ákimi Almatynyń «shetsiz qala» retinde damitynyn aitty.
«Qala keńistigin poliortalyqtandyrýǵa kóshirý birtindep júzege asady. Ómir súrýdiń joǵary sapaly standarttary bolýy tiis jáne ol qalanyń barlyq aýdandarynda qamtamasyz etiledi. Bul - meniń aldyma qoiǵan basty maqsatym», - dedi ákim.
Úshinshi qaǵidat – jańa kommýnikatsiialar «Almaty 2050» strategiiasyn ázirleýde qoldanyldy jáne qalanyń eń ózekti máselelerin taldaýda konstrýktivti qoǵamdyq dialogty qorytyndylady.
Strategiiadaǵy mindetterdi júzege asyrý úshin ortamerzimdi, sheshýdi qajet etetin birqatar qujattar qabyldandy. Bular – 2020-2024 jyldarǵa arnalǵan «Jańa Almatynyń» keshendi jospary, «Úlken Almaty» — Almaty aglomeratsiiasyn damytýdyń óńiraralyq jospary jáne «Almaty Biznes-2025» biryńǵai óńirlik baǵdarlamasy.
Bulardan ózge, «Almaty 2025» damý baǵdarlamasy, qalany damytýdyń sheberlik josparynyń tujyrymdamasy jáne Almatynyń jańa bas jospary ázirlenedi. Sonymen qatar, qalanyń barlyq segiz aýdany damýdyń úsh jyldyq sheberlik josparyn daiyndaýy tiis.
«Bul strategiiany ázirleýge jáne talqylaýǵa qalanyń barsha jurtshylyǵy belsene qatysty dep nyq senimmen aita alamyn. Ony daiyndaýǵa Almatynyń sarapshylar qoǵamdastyǵy, Iskerlik keńesi, Qoǵamdyq keńesi, qalalyq máslihattyń depýtattar korpýsy, biznes-qoǵamdastyq, qalanyń belsendi azamattary men turǵyndary keńinen tartyldy», - dedi shahar basshysy.
Ol Almatyny strategiialyq josparlaý barysynda «Halyq únine qulaq asatyn memleket» qaǵidatynyń alǵash ret júzege asqanyn atap ótti.
Strategiia jobasy arnaiy saitta ashyq túrde usynyldy, munda árkim óziniń usynys-pikirin bildire aldy jáne qalalyq gazetterde jariialandy, áleýmettik jeliler men telearnada keńinen tarady.
Jalpy, myńnan astam usynys tústi. Qalalyq mobildilik jáne kólik infraqurylymyn damytý boiynsha túsken saýaldar basym (18,2%) boldy, ekinshi orynda (12%) - ekologiia men jasyldandyrý, aýa basseinin tazartý máselelerin sheshý tursa, sáýlet, qurylys TÚKSh boiynsha túsken usynystar 10,6%-dy qurady.
Barlyq túsken usynys birneshe sanatqa bólindi. Sait arqyly túsken turǵyndardyń shamamen 130 usynysy strategiianyń qorytyndy nusqasynda eskerildi. 234 usynys ortamerzimdi (taktikalyq) sipat alǵandyqtan, memlekettik organdardyń operatsiialyq josparyna enedi. 123 usynys taiaý arada sheshilýi úshin OpenAlmaty júiesine tirkelgen.
Sarapshylar men qoǵamnyń pikiri eskerilip, qaita tolyqtyrylǵan strategiia qalalyq máslihattyń qaraýyna usynylady.
