Almatyda «Taýgúl» shaǵyn aýdanynyń turǵyndary jylýsyz qaldy, dep habarlaidy QazAqparat tilshisi.
Áýezov aýdanyna jylý jetkizetin Piatnitskii kóshesindegi diametri 500 ml magistraldy qubyr jarylǵan. Apattyń kesirinen Naýai, Rysqulbekov, Jandosov, Beregovoi kóshelerindegi nysandar jylýsyz qaldy.
Almaty energokesheni kásiporyndarynyń resmi ókili Ian Girinniń aitýynsha, oqiǵa ornynda apatty qalpyna keltirý brigadasy jumys istep jatyr.
Tótenshe jaǵdaidyń saldarynan birneshe mektepte joǵarǵy synyp oqýshylaryna sabaq toqtatyldy. Bir balabaqshanyń balalary úilerine qaitaryldy.
«Qazir jylý beretin sý qaita soryp alynyp jatyr. Birazdan soń qai jerden jarylǵany anyqtalady. Reti kelse osyǵan uqsas shema arqyly balama magistralǵa qosyp, jylýdy erterek berýge tyrysamyz. Úilerdegi jylý 1,5-2 saǵatqa deiin saqtalyp turady. Keshke deiin bul nysandarǵa jylý beriledi», - dedi Almaty energokesheni kásiporyndarynyń resmi ókili Ian Girin.
Onyń aitýynsha, qubyr 40 jyl buryn ornatylǵan.
Aýa temperatýrasynyń kúrt tómendeýi sebebinen qubyr jarylǵan.
Aita ketý kerek, Almatyda qubyrlardyń 62%-y tozǵan. Byltyr 20 mlrd teńgege 32 km qubyr jańartylǵan bolatyn.
