الماتىدا «تاۋگٷل» شاعىن اۋدانىنىڭ تۇرعىندارى جىلۋسىز قالدى, دەپ حابارلايدى قازاقپارات تٸلشٸسٸ.
ەۋەزوۆ اۋدانىنا جىلۋ جەتكٸزەتٸن پياتنيتسكيي كٶشەسٸندەگٸ ديامەترٸ 500 مل ماگيسترالدى قۇبىر جارىلعان. اپاتتىڭ كەسٸرٸنەن ناۋاي, رىسقۇلبەكوۆ, جاندوسوۆ, بەرەگوۆوي كٶشەلەرٸندەگٸ نىساندار جىلۋسىز قالدى.
الماتى ەنەرگوكەشەنٸ كەسٸپورىندارىنىڭ رەسمي ٶكٸلٸ يان گيريننٸڭ ايتۋىنشا, وقيعا ورنىندا اپاتتى قالپىنا كەلتٸرۋ بريگاداسى جۇمىس ٸستەپ جاتىر.
تٶتەنشە جاعدايدىڭ سالدارىنان بٸرنەشە مەكتەپتە جوعارعى سىنىپ وقۋشىلارىنا ساباق توقتاتىلدى. بٸر بالاباقشانىڭ بالالارى ٷيلەرٸنە قايتارىلدى.
«قازٸر جىلۋ بەرەتٸن سۋ قايتا سورىپ الىنىپ جاتىر. بٸرازدان سوڭ قاي جەردەن جارىلعانى انىقتالادى. رەتٸ كەلسە وسىعان ۇقساس سحەما ارقىلى بالاما ماگيسترالعا قوسىپ, جىلۋدى ەرتەرەك بەرۋگە تىرىسامىز. ٷيلەردەگٸ جىلۋ 1,5-2 ساعاتقا دەيٸن ساقتالىپ تۇرادى. كەشكە دەيٸن بۇل نىساندارعا جىلۋ بەرٸلەدٸ», - دەدٸ الماتى ەنەرگوكەشەنٸ كەسٸپورىندارىنىڭ رەسمي ٶكٸلٸ يان گيرين.
ونىڭ ايتۋىنشا, قۇبىر 40 جىل بۇرىن ورناتىلعان.
اۋا تەمپەراتۋراسىنىڭ كٷرت تٶمەندەۋٸ سەبەبٸنەن قۇبىر جارىلعان.
ايتا كەتۋ كەرەك, الماتىدا قۇبىرلاردىڭ 62%-ى توزعان. بىلتىر 20 ملرد تەڭگەگە 32 كم قۇبىر جاڭارتىلعان بولاتىن.
